دليل تنمية وارتقاء فى الفكر والعمل:
١- جدد قلبك وروحك بالتواصل مع الله من خلال قراءة نصف صفحة قرآن بتدبر واسقاط وقعها على حياتك اليومية وكأن ربنا فعلا بيكلمك ( او اى كناب تراه روحانى).
٢- اشترك فى قناة TEDEX على اليوتيوب واتفرج على ڤيديو فى الأسبوع وانت معاك ورقة وقلم ودوّن ملاحظات.
٣- اقعد مع نفسك فى بداية اليوم لمدة ٥ دقائق تسأل نفسك انت عايز تحقق ايه النهاردة بوعى وزيهم بالليل تراجع اليوم.
٤- اقعد مع حد تثق فيه واتكلم عن هدف او حلم نفسك تحققه ده هيساعد الحلم يفضل حى.
٥- اعمل لوحة فى البيت او حتى استخدم مراية الحمام بورق بوست ات تحط فيه الحاجات المهمة والقيم المهمة ال عايز تفضل فاكرها.
٦- اخلق لنفسك وسيلة تقيس بها تقدمك سواء بكتابة مذكرات او تدوين أهداف أو سؤال أصدقائك عن مدى تطورك.
٧- جمّع آراء أصحابك وأقربائك عن نقاط قوتك من وجهة نظرهم ولاحظ النقاط المشتركة وانبنّاها وفعّلها فى حياتك اليومية.
٨- انتقى أشخاص أقل منك علما وثقافة وعلمهم الحاجات ال بتتعلمها أول بأول Mentoring .
٩- اقعد مع حد تتوسّم فيه الحكمة فى أمر من أمور الحياة واجلس بين يديه بكل تواضع ودعه ينقل لك خبراته ولو مرة فى الشهر او كل فترة.
١٠- استخدم الفيس فى وضع بعض مما تتعلمه ولو بشكل أسبوعى ده هيخليه يترسخ فى ذاكرتك.
١١- اعمل بحث عشوائى على الإنترنت وانبع حدسك وفضولك فى القراءة والبحث على أمر يثير فضولك ويكون جديد عليك، جائز جدا تلهم بأمر.