مش عارفة أبدأ ازاي ؟! بس خليني أبدأ بالإحساس الجميل اللي سبتوه جوايا .. من زمان ما شفتش قصص كفاح لطيفة ومليانة حب وايمان بالطرف الآخر .. انتم اثبتولي ان اهم حاجة في نجاح اي علاقة هو الحب المبني علي الدعم وممارسة فعل الحب الحقيقي. ان ابقي مراية شريك حياتي واساعده في تحقيق حلمه مهما كان صعب.. ان اسخر طاقتي وكل اللي اعرفه عشان أساعده وازقه لقدام.. والأهم من كده ان شريكي ده بيستمد قوته وايمانه بنفسه من ايماني بيه .. مش سهل تقف جنب إنسان بيحاول ينتج او يطلع بفكرة جديدة ده محتاج جهد كبير من الطرفين وده اختبار حقيقي لأي علاقة واعتقد انتم نجحتوا فيه بجدارة .. حتي لما الوقت بيصعب عليكم وبتحسوا بالفشل اعتقد ان ايمانكم ببعض بيقويكم ولا ايه ؟! احلي حاجة هتحسوا بيها لما تنجحوا وتوصلوا أنكم انتم الاتنين وصلتم مع بعض ان ده نجاحكم انتم الاتنين وان لو كان فيه حد ناقص من المعادلة مكنش هيحصل .. مشروعكم انكم تبيعوا تحف فنية بتنور في الضلمة زي ما انتم الاتنين بتنوروا حياة بعض .. منتجتكم بتشحن من الشمس وانتم بتشحنوا بايمانكم ببعض .. و في الختام احب أقول أصدقائي الأعزاء شكرا علي كفاحكم استمروا وان شاء الله نهاية الرحلة هتبقي ممتعة وسعيدة 

لو عايزين تشوفوا مشروعهم زوروا اللينكات اللي تحت.

https://www.instagram.com/wickedicandy/

https://m.facebook.com/wickedicandy