ممكن تكون حاجه غريبه بصرف النظر عن مدي صحتها او انها اشاعه بس خلينا نتخيل ان الكلام ده حقيقي فعلا
ان بنت حبيبها سابها بعد فتره حب كبيره، تاثرت جدا نفسيا و عملت اضراب عن الكلام و في النهايه و بعد تلاته ايام من الحاله دي توفيت .
يمكن تكون زي كتير اوي من الناس بوست البنت ده عدي عليك الصبح
يمكن تعاطفت او ممكن تكون قولت لا هي تستاهل لانها كذا كذا .
بس خليني اقولك علي نقط بسيطه :
المشكله خالص عمرها ما كانت فالحب انه مبقاش حقيقي و ان الكلام ده بقي قديم اوي و كأن الحب اصبح كالانتخابات كل شخص بياخد معاك مده و انت تغيره و هكذا
بس خليني اقولك ان المشكله مش ف الحب خالص
المشكله فينا احنا في اختيارنا في قرارتنا في تسرعنا او عاطفتنا الزياده جدا في بعض الوقت
انك تعيش بشعور انك محتاج جدا انك تحب
نفس شعور اللي محتاج جدا ياكل بصرف النظر هياكل ايه او مدي صحه الاكل ده هو كل همه اشباع رغبه !
الموضوع ربما يكون ابعد من كده مثلا ان الطرف التاني غلطان لانه اللي ساب و اللي باع كما يقال
بس خليني اقولك ان لو شخص سابك و زعلت زعل كتير جدا اعرف انك غلطان
لان الحياة عمرها ما تقف خلاص علي التجربه .
انت ممكن ف اللحظه تكون نقله ليك و درس مهم تستفاد منه حاجه تفيدك بكره و تكون حرفيا سبب نجاحك ف الارتباط بعد كده :)
عيشوا حياتكم .... و استمتعوا بيها ... و الحب تلقائي هيجي .... حبوا بس بعقل :)
#السيكولوجي_المتفاؤل
Eslam Ashraf
eslam_5ames@yahoo.com
-
Eslam Ashrafمدرب تحفيزي و نفسي - كاتب في مجال العلوم الانسانية