نقطة ومن أول السطر
حسن غريب
===================
شوية حاجات للناس اللي واخدة فكرة غلط عن سيناء بسبب التشويه المتعمد من الإعلام:
أولاً: مبنزرعش بانجو بدل الجرجير
ثانياً: مفيش عندنا عيال صغيرة بتمسك سلاح فككوا من شغل فيلم الجزيرة ده
ثالثاً: عندنا شوارع نضيفة (باستثناء اللي بيحصل حاليا) ومناظر خلابة بنسكن في بيوت وفيلل كمان مش خيم
رابعاً: بنركب عربيات آخر موديل وموتيسكلات ريس وميكروباصات وباصات وتكاتك كمان مش جمال وحمير
خامساً: عندنا بحر وشواطئ وشاليهات زي اسكندرية وأجمل كمان
سادساً: عندنا بحيرة البردويل اللي بتصدر جميع أنواع الأسماك لمعظم محافظات مصر وخارج مصر
سابعاً: عندنا أندية كورة بتنافس للصعود للدرجة التانية (الممتاز ب) كذا فريق صعد قبل كده زي نجمة سيناء وعندنا لاعيبة كتير بتلعب في أندية الممتاز ناشئين وفريق أول وكمان لاعيبة بتتاخد منتخب مصر للشاطئية والتنس والطايرة وعندنا حكام كرة قدم دوليين ودرجة أولى.
تاسعاً: عندنا ظباط جيش وداخلية ووكلاء نيابة من أهل سيناء
عاشراً: مفيش حد عندنا بيطلع فوق السطح و يشوف تل أبيب 😂
احدعشر: أما بناسفر من سيناء بنتبهدل تفتيش وأسئلة لمجرد بطايقنا سيناء
اتناعشر: اللي كان بيروح العريش من بئر العبد أو العكس كنا بنروح في ساعة إلا ربع حالياً بنروح في أربع ساعات
تلات عشر: عندنا مقدرات طبيعية لو تم استغلالها هيسد كل ديون مصر
وأخيراً: كلامنا بيتفهم جداً ومبنتكلمش عبري ولا حاجة
-
حسن غريبعضو اتحاد كتاب مصر كاتب.. ناقد.. روائي.. شاعر