هل للحب دواء وهل للتمنى نهايه .

تساؤلات بلا إجابه

اذا احببت بصدق اتهمت بأنك بلا شخصيه لانك تغالى بالاهتمام واذا اصبحت بارد المشاعر اتهموك بالتخلى والبعد واذا تقربت بعدوا واذا بعدت يطلبون منك السماح لما هذا كله لماذا لا نقولها بصراحه نحن نحب ونعشق نقدر ونهتم ليست نهاية مطاف لماذا تسكن بنا الانانيه والغيره ....... نعم اتحدث عن حبيبين وليس من لا يعرفون الحب بالاساس عندما يسكن الحب بين اثنين لا ارى انه يزيد بل دائما فى طريقه للتلاشى لماذا هل لان الاهتمام الزائد يعطينا فوق قيمتنا ولا بالعربى كده بيطول ودانا ، لو انت انسان مبتعرفش تعطى ما تاخدش . كل يوم بنت قلبها بيتكسر بسبب واحد متخلف كل يوم واحده بتعيش مأساه بأسم الحب . وعلى فكره مش البنات بس فى رجال بيتكسر قلبها بس ده للنوع النادر الى هو احبك بجد وكان عاوز يجيلك بيتك ويطلب ايدك بس صدمته ظروفه او ابو البنت الى نازل شروط انا عايز انا عايز . وفى نفس الوقت مفكر بنته لمبه ليد موفره .... الظروف صعبه سواء عليكى او عليه واذا كنتى قد الحب حبى لانه والله العمر بيعدى وممكن تعيش وتموتى وعمرك ما عيشتى لحظة سعاده....دايما دورى على اللى يسعدك واللى بيكدر خاطرك انسيه اصله مش هيجبلك عمر فوق عمرك . لو انتى حاسه من جواكى انه بيحبك متسيبهوش بس يابنات احنا دايما بنتخدع ومتنسيش الناس كلها مش واحد ومش ملاك يعنى فمتثقيش فى حد بسهوله وانا من وجهة نظرى لو حبيتى حد متسأليهوش بتحبنى قد ايه قوليله عملت ليا ايه .... ايه مخططاتك لحياتنا ايه شكلها ..مش قادر يرد ..او معندوش إجابه اضحكى فى وشه وقوليله انا فى الاساس اتعشمت فيك بزياده ....وحياتى من غيرك بأذن الله افضل انت معايا لتكملنى مش عشان عندى نقص لسمح الله انا بيك من غيرك انسانه علشان ربنا كرمنى ورفع من شأنى انت بس وجودك معايا بيقولوا عليه سنة حياه اما اذا كنت انت الى هتكدرها .فبناقص وجودك. اما الشباب فأكيد هتكونوا مختلفين فالاساس مفيش بنت بتضحك على ولد الا بئا لا مؤاخذه عمال يريل على نفسه .😂 بس الفكره فيه ولاد بتحب من قلبها ودا نادر وكمان بيكون راجل وقد كلامه ويروح يخطبها وفى الاغلب الى حظهم حلو فى الحب البنات الى شكلها عادى مش الجميله😅 لاء والغريب بيكون بيحبها بزياده وهى بس ترسم تقعد ترسم عليه ... بس لو احنا فعلا مبنقويش الحب ده مابينا بيختفى بسرعه ونرجع لنفس الدايره لو اهتمينا بعدوار ولو بعدنا عاوزين يرجعوا طيب والحل .... هل دا مسألة اختيار....ام انها طبيعة انسانيه