الامان .. احلي شعور ممكن تحسه هو الامان
العجيب ان الامان مش مرتبط بالحب بتاع المتجوزين والمرتبطين..
اصل انت ممكن تكون بتحب حد او متجوزه ومش حاسس بالامان معاه .. بتسال نفسك دايما هو ممكن يسيبك في يوم!!.. طب هيزعلك او يخدعك؟ .. هيكدب عليك!
لو سالت نفسك الاسئله دي يبئا انت مش حاسس بالامان مع الشخص دا..
مش المرتبطين بس حتا الصحاب.. العيله.. لو محستش بالامان مع صحبك امال مسيميه صاحب ليه؟
الصحاب اي غير ناس بترتاح معاهم .. بتحس معاهم بشعور غريب كل مبتقعد معاهم وتكلمهم مهما كان عندك مشاكل وهموم بتحس انهم بيطبطبو علي قلبك م جوا
الامان وانت قاعد مع صحبك وبتفضفضله .. بتقوله كل ال جواك وعمرك متخاف انه يفهمك غلط مهما قولت ..
الامان وانت قاعد مع حبيبك وبتتكلم بتلقائيه وبكل راحه بتقوله عيوبك قبل مميزاتك .. بتقوله انك متتحبش اصلا بس في نفس الوقت واثق ان هو الوحيد ال هيفضل يحبك..
الامان وانت قاعد مع ممتك بتحكلها انت عملت اي غلط وازاي ممكن تصلحه من غير متخاف انها تزعل منك وتزعقلك..
الامان انك وانت قاعد مع الشخص دا ايا كان هو مين تحس انك مش خايف من بكرا لانك متاكد ان مهما حصل بكره هيجي وهو معاك .
-
Aya Fayzeهاويه تبحث عن سبب وجودها في الحياه