في علاقة الحب 💜 صعب انك تكون طرف معطاء طول الوقت، صعب تفضل تعطي وتصبر وتتمسك والطرف الآخر مجرد جمهور 🙄 متفرج.

ده ردي علي واحدة🤦‍♀️ حياتها أصبحت مأساوية😩 بسبب حب من طرف واحد، اللي مش بتخيله: 🤔اذاي تعذب نفسك بإيدك وتقنع نفسك انك بالصبر تبلغ ماتريد ( ده مش دور في طابور البوستة)

من المسلمات 👌ان مافيش علاقة بتنجح بمجهود طرف واحد، فما بالك بعلاقة حب؟ دي أصعب لأنها مش بتنجح لو طرف بيحب 😍 والتاني متلقي🙄.

#وجهة_نظري مهما طال عمر العلاقة في يوم هتنتهي طالما إن الطرفين ✌ مش خايفين عليها بنفس الدرجة. الحب أخد وعطا ما ينفعش واحد يحب والتاني صامت وماينفعش طول الوقت تكون انت اللي بتضحي وتعطي وتبذل وتصبر والتاني ضامن وجودك.

ليه ما ينفعش 🤔؟

⬅️ عشان هييجي وقت 🕣 هتلاقيه مش مقدر حتي قيمة وجودك جنبه.

⬅️ عشان الحب 💜 من طرف واحد☝️ بيقتل صاحبه...

⬅️ وعشان الحب 💜 علاقة خاصة مش شبه غيرها من العلاقات الاجتماعية فبلاش نشوه معالمها مع حد مش مقدرها 🙄 ولا فاهم يعني ايه حب،

الحب حياة بتعيش فيها سعيد وأحاسيس جميلة 😊 بتنقلك لعوالم تانية حتي وأنت معانا ع الأرض🌍 بيكون لك عالمك الخاص لونه وملامحه وحكاياته مش شبه اللي حواليك لكن شبه اللي حبته عنيك😍....

الحب ذي حبل له بداية➡️ ونهاية 🔚وكل واحد منكم ماسك طرف ما ينفعش انت تمسكه طول الوقت وانا أرميه ، ما ينفعش تتمسك بيا وانا أبيعك، هييجي وقت وهتتعب😪 وهتمل 😒 وهتسيبه ويقع ع الأرض وتتدمر العلاقة💔.

في #وجهة_نظري البسيطة بلاش تبيعوا مشاعركم بالرخيص اوي كده، مافيش حاجة اسمها حب 💜 من طرف واحد في حد بيظلم نفسه مع حد مش يستاهله،

✔ اللي بيحبك هيبان حبه في عنيه😍،

✔ اللي بيحبك هيخاف ع اللي بينكم اكتر من نفسه😇،

✔ اللي بيحبك مش هيقل حبه ذرة عن حبك له،

✔ اللي بيحبك هو البوصلة اللي بترشدك للطريق الصح.

🚫 خللي بالك من قلبك 💜 في ناس مش تستاهله، هتدخل حياتك بس عشان تستولي علي حبك وتتمتع بتضحياتك وتعيش علي رماد سعادتك، الناس دي مش هتاخد منها لا حب ولا احترام ولا تضحية بس هتطلب منك كل ده ،

🚫 بلاش تكون مضمون في حياة الشخص الغلط ❌ ولا علي أد ايده

" مافيش حب من طرف واحد 💜 من طرف واحد... ده الحب أخد➡️ و⬅️عطا! "

#amira_ibrahim_neues_leben