ح تتغير امتى ..
امتى ح تكسر القيود اللي مكبلاك ومخلياك مش عارف تتحرك .. مش عارف تتقدم .. مش عارف تعيش !!
امتى ح تقول لنفسك كفاية ؟
امتى ح تقف وقفة قوية مع نفسك وتقولها كفاية كدا والمهزلة دي لازم تقف وتقرر انك تعيش ؟
امتى ح تنتبه ان عمرك بيجري ... وأيامك بتنقضي ... !!
امتى ح تحط أهداف صح لحياتك وتبدأ تحققها ؟
امتى ح تعرف انت عايش ليه .. وايه مهمتك وهدفك وغايتك من الحياة ؟
امتى ح تفوق من الدوامة اللي عمالة تاخدك جواها واحدة واحدة لحد ما ح تبلعك ؟
امتى ح تنوي انك تنهي حياتك العابثة اللي فاتت وتبدأ حياة تانية مليانة انجازات واهداف للدنيا والآخرة ؟
امتى ح تقدر تاخد القرار الصح وتبدأ تنظم حياتك وتفكيرك وتجمع شتات نفسك من اول وجديد ؟
امتى ح تنفض عنك الحزن والهم واليأس وتكسر قيدك بلا رجعة ..
بلا رجعة .. حطمها دلوقتي .. اكسرها .. انت اتخلقت حر .. من غير قيود .. من غير تعلقات ولا حاجات تأسر قلبك وتعذبك ..
خلي قلبك يتولد من جديد .. وروحك المخنوقة تتنفس .. ولون حياتك يتغير ..
انت عارف السكة .. وعارف السر .. وماتقولش مش عارف ..
انت بس .. مش عاوز تتغير
#أميرةتوفيق
-
أميرة توفيقخريجة كلية الزراعة جامعة القاهرة - احب الكتابة جدا منذ الصغر