7 صفات لا بد ان تتوفر في اي رائد اعمال
7 صفات لا بد ان تتوفر في اي رائد اعمال
نشر في 23 غشت 2018 وآخر تعديل بتاريخ 30 شتنبر 2022 .
في البدايه كدا مش اي حد لقي فكره وراح يطبقها يبقي رائد اعمال ويكسب ملايين و.............. الي في كتير ناس فاهمه كدا
بس للاسف ده غلط وانما واقعيا لازم يتوفر فيك السبع صفات وفقا لتجارب ريادي الاعمال:
أولا:
لازم يكون حلمك اكبر منك:
فلو انت جاي تعمل بيزنس عشان مجرد فلوس يبقي يامعلم مش هاتكمل الطريق
لان في الواقع كل شويه هايطلعلك تحدي جديد زي مثلا منافس جديد ممكن بسهوله يطلعك من السوق او مشاكل قانونيه او ...................
فلما يكون حلمك اكبر من وضعك الحالي ومن السنين الي جايه هاتقدر تستمر وتحارب عشان توصل لاهدفاك.
ثانيا:
لازم يكون عندك القدره علي التعامل مع الغموض بدرجه عاليه:
لان دايما رائد الاعمال افكاره بيكون صعب حد يتخيلها انها هاتنجح في السوق ، ده بالاضافه الي الضبابيه في الطريق وعدم القدره علي توقع الاحداث ، بالاضافه الي التقدم المستمر للتكنولوجيا .
فاذا انت متعود علي ان كل حاجه حواليك تكون واضحه ومخطط ليها فانت مش بتاع رياده
ثالثا:
القدره علي تحمل كامل المسؤوليه سواء سلبيه او ايجابية:
لانك هاتكون شايل مسؤوليتك ومسؤولية غيرك فلو حد من فريقك غلط او حصل شيئ خارج ارادتك او اتخذت قرار خطأ انت فقط المسؤول.
رابعا:
القدره علي تقبل الفشل ولفتره بسيطه:
ولاااااااااااازم تتأكد انك في ريادة الاعمال هاتفشل اكتر من مره ، وفي ناس هاتقف بعد اول مرحله فشل وناس هاتقف بعد اكتر من مرحله وناس هاتكمل فلازم تكون مستعد ، وأفضل ما نسميها فشل لكن نسميها "خبره"
خامسا:
لازم تكون مرن:
فالريادي كل ما يحط خطه يلاقي ظرف فجأه ظهر فيغيرها سواء ظروف سياسيه او اقتصاديه او منافسه او...........
فلازم جدا تكون عندك المرونه الكافيه لانك تتأقلم بسرعه مع كل ظرف جديد ، وتوجد اسرع حل لملائمة الظروف.
سادسا:
لازم تكون قراراتك حاسمه وسريعه:
لان خسارة الوقت في رياده الاعمال مكلفه اكتر من الغلط ، لان الي بياخد قرار ويمشي فيه بيكتشف اذا كان هوا غلط او لا خلال فتره صغيره ويقدر يصلحه بسرعه .
والناس الي بتفشل هي الناس الي عماله تفكر اكتر من ما بتنفذ .
سابعا:
التصميم :
فكل الي فات ده مالهوش اي لازمه اذا الشخص معندهوش قوه اصرار ومثابره وتحدي مستمر.