كام واحد ودّع و ساب من غير اسباب
لما يبقي من حقك تزعل ..حاول متزعلش أوي
نشر في 08 فبراير 2022 وآخر تعديل بتاريخ 30 شتنبر 2022 .
كلنا بنتحط في مواقف بيبقي عندنا كذا علامة استفهام و كذا علامة تعجب من تصرف بالنسبة لينا مش مبرَّر نهائي..؛
البعد المفاجئ أو قرار حد ياخده باختياره هو فقط حتي لو كنتوا اثنين سوا.
و الحقيقة هنا بييجي جوه دماغك أسئلة كتيرة أوي ؛ أولها.. ليه؟.. أنا غلطت في ايه؟..
أنا أستحق كده من الشخص اللي كان في مكانة خاصة اوي ده؟..
مش لازم تلوم نفسك علي اختيارات غيرك دايما، صحيح انك لو غلطان فعلا لازم تحاول،
إنما لو مش غلطان في حق اللي قدامك و مع ذلك ، مهتمش هو بآثار و توابع قراره اللي فيه أنانية واسعة ده عليك و علي تفكيرك و مشاعرك..إذاً..ليه انت تقف عند الزعل ده كتير؟..
أنا معاك انك تزعل عشان ده رد فعل طبيعي لأي حد كان صادق ناحية شئ أو شخص،
بس متزعلش كتير..حاول تنصف نفسك لأن صدقني محدش مهما كان قريب هيحس بزعلك أو تعبك غيرك انت بس.. فسيبها علي الله ، و حالك زي حال ناس كتير ياما فارقوا و اتفارقوا ..من غير أسباب.
-
Dina maherأحب الكتابة كثيرا و أفضل التعبير من خلالها