احتمالية اني موت من دونك ... الدموع والشهقة يلي بتوجع اخر الليل ...

لك حتى  الاكتئاب و جرح ...

كلن ..كلن اختفوو ..

راحو هيك مع ريح خفيف ... مع نسمة باردةة ..

انا لساتني عايشة ما متت .. عم اكل واشرب حتى اني عم اضحك ..

لك شوف هي ضحكتي صدها واصل لسابع سما ..

انا من دونك صرت احسن حتى ...

انت ماعدت كل شي انت  ولاشي شي ...

صدقني حتى اذا قالو مات لح ازعل عليك...

اتذكر اخر مرة قلتلك حتى لو متت ما بزعل عليك ..

بتعرف انو الضحكة احلى من الزعل ...

وانو كون للكل بس مو لحدا احسن ما كون لحدا بس للكل ...

حزير شو كمان مشاعري التعبانة يلي حكيتلك عنها  .

رجعت صحصحت ... رجعت احسن من اول ..

مشاعري صارت حليانةة ..

صدقني اي حتى المشاعر بتحلى ..

انا حتى حليت .. ماعد في سواد تحت عيوني ..

لك اللمعة رجعت لعيوني...

وقلبي رجع لدقتووو الطبيعية ..

غريبة كتير انو ماعد دق بسرعة لما اسمع اسمك .. اول ما حبيتك حسيت حالي ماكنت عايشة قبل وهلق خلقت ع ايدك ... 

بس بتعرف هداك الشعور ... ولاشي قدام يلي حاسستو هلق ..

انا عم حس متل ام ولدت وشافت ابنها الاول .. انت بتعرف شو هلاحساس ..

لحظة بس ..  ذكرني نسيت انت بتحس ..

صدقني انسيت كل شي عنك لك حتى اسمك كان عراس لساني ... بس هلق اختفى من كل كياني

وصار اليوم يلي بعيشو احلى يوم ... صرت صدق انو بكرا احلى ...

والاحلام يلي نسيتها ع الحيطان ...

عم بلش حققها .. ماعدت انت حلمي الوحيد ... رجعت شوف انو الطلعة لعند النجوم حلم ... اهم منك ..

رجعت احلم انو البلد يرجع مو منشانك ولا منشان وضعك يلي بزعل ... بس منشان ما شوف عيون امي عم تبكي مرة تانية ..

رجعت احلم اني كسر الفنجين بنص الليل ... وانو التلج ينزل كل سنة .... اييي لل تفكر لاكتب اسمك بالتلجات ... 

لا منشان حط هاد :)  لكل المتشائمين يلي ناطرين امثالك ..

بتعرف انو هلاحلام ماتت ع الحيطان من وقت عرفتك ...

متل مارجعت عشت بعدك لح تعيش احلمي وهلمرة وعدي الك مو اني ما انساكك ... وعدي الك اني ما اتذكرك وحقق كل حلم ضاع مني بغيبوبة عشق فاشل لشخص فاشل