أما تسأل حد خرج من علاقه عن سبب الانفصال .. يقولك مفيش نصيب !!
و تتعدد المواقف و بتفضل الاجابه واحده و تلاقيها مرتبطه بكلمه النصيب ؟!
لحد ما أصبحت كلمه النصيب مُجرد حجه و شماعه للهروب من المسؤليات و الالتزامات.
عمومٱ فكره النصيب مسيطره على معظم حياتنا .. النصيب فى كل حاجه من رزقك وحظك فى الحياه .. النصيب فى الحب .. الجواز .. الشغل .. السفر .. المرض .. و الخ .....
و لو هنتكلم من ناحيه العلاقات فـ المشكله بتتركز فى بعض الاشخاص بعدم إعترافهم بالعيب اللى فيهم اللى بينهى أى علاقه المفروض إنها تبقى سويه .
يعنى مثلا الشخص الانانى فى الارتباط ده مبيفكرش فى أى حاجه فى العلاقه غير الحاجه اللى هتريحه و بس سواء الطرف
التانى متفاهم معاه و لا لا ، سواء مبسوط بقرارته و لا لا .. المهم عنده إنه يبقى هو مرتاح ف العلاقه من غير إهتمام بمشاعر الطرف التانى يإحتياجاته بإختياراته و هنا طبعٱ بيفضل الانانى يسحب من طاقه الشخص لحد ما بيبقى فى نهايه و غالبٱ النهايه كمان بتكون من الشخص الانانى و هنا بتبقى الصدمه إن اللى استحمل للاخر عشان ميخسرش خسر بردو !
80% من فشل العلاقات بتبقى بسبب إن كل شخص عاوز التانى نسخه منه فى الاطباع و الصفات .. و كل واحد بيفكر ازاى يغير التانى عشان يبقى زيه .. مع إنه لما كان يعرفه فى الاول حبه على وضعه ، لكن بمجرد التمكن من الحاجه بنفتكر إنها خلاص لازم تبقى كربونه مننا .. و ده من الاساس مش حب لإنها لو كانت علاقه حب حقيقيه كل واحد هيفهم إن للتانى طبيعته و ثقافته و مبادئه و تفكيره .. لان بمجرد ما بنحاول نغير من طبيعه بعض بتبدأ الخلافات و المشاكل و اللى نتيجتها انفصال فى الاخر .
علاقات كتير بتفشل بسبب إن حب طرف زاد عن حب الطرف التانى .. فـيبدأ يتنازل و يجى على نفسه عشان سعاده التانى أكتر .. و للاسف الشخص التانى بيبدأ يستقوى و يبقى ضامن حب اللى قدامه و إنه دايمٱ موجود و مستعد يعمل أى حاجه عشانه .. لكن بتيجى لحظه غير متوقعه و بنلاقى اللى حب أكتر بيسيب فجأه لان زى ما بيقولوا بالبلدى كده جاب أخره .
يعنى متبقاش شخص أنانى فى علاقه ارتباط مثلٱ و تيجى
تقول سيبنا بعض عشان محصلش نصيب .. و بتقول الكلمه كإنك دور ضحيه مع النصيب .. من غير ما تجيب اللوم و لو للحظه على نفسك .
غالبٱ التوازن فى العلاقات هو اللى بيكسب .. إنك تحب و تقدر و تحترم و تدعم الطرف التانى .. إن العلاقه تبقى مبنيه على احترام المشاعر و التفاهم أحسن مليون مره من إنها تتحط تحت كلمه حب بس يكون مشوه .
العلاقات المشوهه بتأخد كتير من عمرنا و طاقتنا .. بتقلل كتير من طموحنا و بتطفى جوانا جزء بيفضل طول العمر متأثر ..
للاسف استخدام كلمه نصيبى كده بقت بتطلع من اشخاص مشوهين نفسيٱ .
و مش معنى كلامى إننا هندور على شخص خالى م العيوب بالعكس مفيش حد مش معيبوب .. بس فى حد عيوبه تمشى مع عيوب حد تانى و حد تانى عيوبه متمشيش مع عيوب غيره .. و هنا الاختيار لازم يبقى صح .. تأخد اللى شبهك مش المختلف عنك و تقول هغيره !!
قبل ما نقول قسمه و نصيب نفكر الاول إيه اللى وصلنا للاول للنقطه دى ؟!
إيه اللى خلى كل اتنين فى علاقه بقوا أغراب عن بعض ؟!
و بعد ما نخلص أسبابنا نقدر نقول نصيبنا كده .. و لعله خير 🌸
- 3
-
التعليقات
لطرح إستفساراتكم و إقتراحاتكم و متابعة الجديد ... ! تابعنا على الفيسبوك
مقالات شيقة ننصح بقراءتها !
مقالات مرتبطة بنفس القسم
معاً لرفع المظلمة عن ذوي الإحتياجات الخاصة في تونس"
أصدقائي وإخوتي وأخواتي ذوي الإحتياجات الخاصة،أتوجه إليكم اليوم بكل الحب والتقدير والاحترام، لأعبر لكم عن التضامن الذي نشعر به تجاهكم. فأنتم أصحاب حقوق وواجبات كباقي أفراد المجتمع، ويجب أن يتم التعامل معكم بالمساواة والعدالة.ومن خلال هذا المقال، أدعو كل الشعب
الحوكمة رحلة قبل أن تكون نتيجة
تعتبر الحوكمة من المتطلبات الحتمية التي يعتبر تطبيقها أساسياً ح ّث عليه رؤية المملكة 2030 لجميع القطاعات (القطاع العام- القطاع الخاص- القطاع غير الربحي)، لضمان تنظيم العمل على ك ّل من المستوى المحلي والإقليمي والعالمي وتم وضع قواعد ومبادئ لإدارة المؤسسات والرقابة
عقدة الفشل وغرور النضج
أمران بهما يصل الإنسان إلى طريق مسدود، فتكون المشكلة في نظرته وطريقة تفكيره وليس في الطريق نفسه، وبالتالي تؤثر في سلوكه العملي والمجتمعي، ويتهاوى نجمه ويصبح خارج دائرة الضوء من حيث لا يعلم هما : عقدة الفشل وغرور النجاح.فحين
صناعة الخونه
الخيانه عمومًا تكون بعد عقد الميثاق و وضع الامانه عند من تتيقن انه اهل لها، و تكون الصدمه عند التيقن ان من ضننت انه اهل لها قد خانها.هل تدفع مقابل ان تشتري من يخونك؟ هل تضيع وقتك لصناعة من يخونك؟
