عارف يا سيدي مين الانسان الميت للي الفقر دهسو للي ظلم بطشو للي عايش يوم بيومه للي كل امنيتها تأاكل عيلها ومش عارفا للي الدولة محمتوش من قانون الشوارع للي كان وكان وكان نفسو يبقي ومبقاش للي قاعد علي القهوة يشرب شاي علي الحساب للي راكب تكتك يدوس الناس وينداس للي بيسرق من جعان زيه عشان يشبع بيها دولة المفاجيع للي اتسلم في صغره للي معدش بيحلم من زمان للي علموه انو لازم ينداس عشان يكون مواطن جبان للي بيخش الكيمبودات والفلل يخدم عشان يأكل وبرضو يطلع جعان للي من يوم ما تولد اقصي طموح يسافر بره ويشتعل عند للي يسوي وما يسواش للي بيئته كلها مجاري ورشوه وخوف وحواري و مشي في الدري شمال عشان يحس بي الأمان للي فاكر انه لو جه عليه بكرا عايش يبقي هو للي خسران للي بيأخد 500 او حتي 100 وييبع صوته لي فلان او علان للي للي كل مصيبه عنده لازم يصبر ويقول الحمدالله للي يوم ما يقول اتعالج يتعالج علي حسابه ويطلع عيان للي ممكن يتنصب عليه ويسكت ويقول انا الغلطان للي مايفكرشي يروح للحكومة الا يوم مايكون مطلوب او معاه مال عشان يطلع كسبان في دولة الطغيان للي سافر او حتي هاجر بلاد العجايب عشان يحس أنه انسان وفي الأخر أشتغل طباخ او بار مان للي الغابة قانونه بس المهم ما يرحوش أقسام للي تاجر بالحلال مكلش عيش وسط الغيلان للي شرب مخدرات عشان ده الشيء للي بدايتو بالمجان ونهايته سريعه يا الموت يا اللومان واكيد في النص بيتشوه ومبيموت جواه الانسان للي اشتغل في الحلم وفي الواقع ملوش مكان للي اتعلم سواء بفلوس أو بالمجان عشان الوسطه ملقاش ليه مكان
للي الجرح وجعو بس هما عودوه انه يقول كمان و للي اجوز باريس هيلتون في خيالو وفي الواقع لو طال جيهان بنت الجيران يبقي فنان للأسف علموه يقدس السجان ويعيش بي الأهانة وبيهم يكون فرحان وللي علي الأنبوبه يجري يأخدها ويجري سواء بالضرب أو الأهانة ويكون فرحان
اوعا تفكر تصحي انسان ميت حاتكون اكبر خسران
بس الميت حايصحي وسعتها الحساب حايكون بالمجان