من #أسئلة_الخاص:

" لو اكتشفت إني بحب💕... أحب إذاي🤔؟”

عشان أجاوب ع السؤال رقم ٢ سألت: إيه هو الحب🤔؟ إحساس، رغبة، وهم أو كذبة؟

وكان الرد فعلا واحدة منهم، في #وجهة_نظري الحب كائن حي ذينا بالظبط👌 بيتولد ويكبر ويعيش وبيموت...

انت اللي في إيدك تخلليه يعيش حياة سعيدة 😄 مليانة لحظات حلوة أو حياة تعيسة 😔 أو تموته قبل أوانه وموته هيكون له ١٠٠ سبب.

⬅️ الحب مش بيتولد في لحظة ومش بيحصل في يوم ولا أسبوع ولا أكتر ولا أقل، الحب بيبدأ لما بينتهي الخوف وتقف الساعة ويبدأ الحماس ولما تستغرب نفسك😯.

⬅️ تبدأ تتعرف ع اللي جواك: إعجاب؟ انجذاب؟ اتشديت؟ اتخطفت؟ أو يمكن حبيت؟

حصل؟ ثواني كده: الشخص اللي خطفك من نفسك ومن اللي حواليك يستحق انه يتحب صح✅.

⬅️ بعد كده تصارح نفسك بإحساسك وتصدقه وتمشي وراه وتصمم عليه، تجرب تعيشه تختبر كل تفاصيله تحدد هدفك وتتعب عشانه وتواصل تعبك بصبر... آه✋ مهم أوي إنك تصبر لأن إحساس إنك توصل في النهاية للي بتحبها😍 وتكون معاها بعد تعب ومشاكل ومعافرة وإعادة شحن طاقة ١٠٠ مرة ده إحساس مايتعوضش...

⬅️⬅️ لما يتولد الحب جواك قرر تعيشه وأنت صبور عليه ومن غير استعجال، ذي بالظبط لما تقول إنك عاوز جسمك يكون صحي ورياضي فتقرر تروح الجيم كل يوم... وتلعب رياضة... وتجرب كل الأجهزة... وتشتغل بكل التقنيات... تاكل بس أكل صحي، كل ده كويس جدا 👍 بس لازم تصبر، ماينفعش تستعجل وماينفعش تقدم مرحلة علي غيرها، لو كل يوم رجعت بعد الجيم تبص في المرايا مش هتشوف فرق ولو صبرت وواصلت وصممت ع Target اللي حددته لنفسك يمكن بعد كام شهر تبص في المرايا تاني تشوف نفسك مختلف تمام عن نفس الشخص من فترة قريبة.

⬅️⬅️ قبل ما تصارحها/تصارحيه قبل ماتقول كلمة بحبك اختبر نفسك وقلبك… خد وقتك وحاول تتأكد إنك هتعرف تحب مش تنسحب... هتسند مش تعند... هتكمل وتتحمل... هتحترم وتهتم يعني هتحب صح✅!

نظريتي اخترت أبنيها علي أفعال لأني شايفة فرق كبير بين كلمة " بحبك " وفعل " يحب ":

❤ طمن❤: لما تحب💕 خلليك حنين مهما حصل ومهما كنت متضايق وكرر علي مسامعها وعودك وفكرها بأول وعد منهم:

I would give u all the love in the world!

بس ياريت تفكر نفسك باللي قلته ومش تنساه، طمنها يعني أنت تكون ثابت في مشاعرك بلاش تطير معاها وبها لسابع سما وفجأة ترميها بكل غدر للأرض، بلاش تكون متقلب ومتحول ومتغير وتخوفها منك وتخوفها ع اللي بينكم... فتنسحب وتخسرها .

❤ ابذل❤: تبذل مجهود في إنك تنقل أحاسيسك ومشاعرك تجاه الطرف الآخر عشان تكسب نفس الأحاسيس وأجمل منها وده هيكلفك وقت وخطط وأفكار واهتمام وتجارب. هتجرب نفسك في كل فكرة ومش هتستغربها...

⬅️⬅️ اللي بيحب😍 لازم يجرب ماينفعش تقنعني إنك بتحب السفر ✈ وأنت عمرك ما خرجت من بلدك وسافرت واتنقلت من مكان لمكان وشوفت ناس تانية وتعبت واتاخرت وسهرت وانتظرت وشيلت شنط وضاعت شنط وصورت الغروب🌄 واستمتعت بالشروق🌅. لأنك بعد كل سفرية هترجع بيتك وأنت شايف السفر بشكل مختلف فإما هتحبه بتعبه وضغطه وسهره وبعده أو هتقرر إنك ماتسافرش تاني🚫، من هنا الحب❤ ذي السفر✈ واللي ماجربش ماحبش.

❤عبر❤: احكي عن اللي جواك … إوصف دقة قلبك اللي بقت أسرع... إشرح إذاي بقيت مختلف ومتعلق ومخطوف قول بحبك💕، قولها كتير ومن غير سبب قولها وكأنها شكرا أو صباح الخير أو آسف المهم تقول وتعبر عن إحساسك وتشحن إحساسها ناحيتك.

❤اتمسك❤: الحب علاقة حساسة فيها خيط ضعيف ورقيق يربطك بالطرف الأخر وده بسبب نعومة الإحساس نفسه، ماينفعش طرف واحد يمسك بالخيط والتاني متفرج، لما تشد أنت: بحنية ولطف وخوف وصبر ترخي هي وتبعد أنت: تقرب هي، هتتفاجئ😯 في لحظة إنها سابت الخيط لما سألت نفسها لإمتي هفضل متمسكة لوحدي🤔؟ لإمتي هخاف لوحدي🤔؟ الحب💕 محتاج تمسك.

❤اسند❤: حبك لازم يكون إنساني بيدعم ويسند، إوعي🚫 تسمح للظروف تكون سبب لغيابك وتواجه هي مشاكلها لوحدها حارب كل الظروف وروح لها، جميل إنك تكون حبيبها بس collection حبيب وصديق وأخ وأب وcomfort zone أجمل كتيييير.

❤قرب❤: حبك لازم يكون حنون خلليك جنبها في كل حالاتها، وهي مطفية اوعي🚫 تبعد ولما تنور تقرب لها، اختار قربها حتي لو شوفت النور في غيرها... اختار تكون قريب حتي لو قالت لك مش عاوزة أشوفك اطفي النور وخلليك جنبها.

❤ضحي❤: حبك محتاج يكون فيه تضحية، افهمها... استحملها... قدرها وفضلها علي كل الحاجات المهمة في حياتك، خلليها علي رأس قائمة أولوياتك، هتضحي بشوية وقت ويمكن هتتنازل أو هتستهلك جزء من طاقة الصبر لكن خلليك واثق إنها الوحيدة اللي تستاهل👌 تضحياتك وتقدر تشحن كل طاقاتك من جديد.

❤اهتم❤: حب + اهتمام = غرام، حبك لازم يكون فيه اهتمام، وإبدأ بنفسيتها: تدللها... تحتويها... تعتني بها... وتحن عليها دي النفس تميل لمن يرحمها. اهتم بكل تفاصيلها لأن الاهتمام سبب من أسباب نجاح واستمرار علاقة الحب💕 وهيساعدك تطير بسرعة لقلب💜 اللي بتحبها، والحب بيتغذي ع الاهتمام.

❤صارح❤: حبك أجمل لما يكون صادق، كون نفسك بوش واحد ذي فنجان القهوة☕ كده وبلاش تنافق ولا تحور ولا تكذب لأنك ممكن تخسر ثقتها والخسارة أول خطوة علي طريق النهاية🔚 بينكم.

❤صمم❤: حبك مش محتاج مسافات، قرب منها وصمم تكون معاها وانقل لها مشاعرك بجرأة😎 ومن غير ماتفكر مرتين🤔🤔، صمم عليها وصمم تكون هي معاك، إيدك في إيدها، شاركها اهتماماتها وميولها وهواياتها بلاش تبخل عليها بوقتك ورأيك ودعمك لأن:

" النفس تميل لمن يشببها والقلب يميل لمن يدخله دون استئذان. "

❤اخلص❤: حبك هيكبر بإخلاص حافظ عليها وحافظ أكتر علي قلبها 💜وخاف عليه وعلي مشاعرها وصل لها فكرة مهمة أزي في علاقة الحب💕 وهي: إنك مستعد تخسر أي شئ إلا قلبها💜 لأنه مايتعوضش.

❤غمض❤: عشان تحب بجد👌 لازم تتعود تغمض عيونك😑،تغمض عيونك عن غيرها... تغمض عيونك عن عيوبها... اللي مش كبيرة تغمض عيونك وأنت مش خايف إنك تمشي في طريق نهايته توصلك لها، وماتقلقش إنك مشيته وأنت مغمض😑 ومش حفظت طريق الرجوع🔙 مش مهم لأنها طريق مافيش منه رجوع.

❤اجذب❤: حبك لازم يكون جذاب😍... اتكلم معاها بروحك مش بلسانك شدها لك بشخصيتك مش بشكلك واخطف عيونها وسيطر علي تفكيرها فتسرق مش بس حبها لا كمان روحها... عقلها وقلبها💜، اتكلم معاها كلام مش شبه اللي بتقوله لأي حد خللي مفرداتك لها هي خاصة ومختلفة وبلاش الردود اللي بتستخدمها مع صاحبك... جارك... زميلك... مديرك... قريبك هي ولا حد في كل دول.

❤صالح❤: حبك لازم يكون رجولي أوي إوعي🚫 تسبها تنام زعلانة😔 إوعي🚫 تسمح للوقت هو اللي يهديها إوعي🚫 تديها فرصة تبعد، ده معناه إنها مش بتهون عليك وإن زعلها غالي عليك. الخلافات هتحصل والعلاقة مش هتخلي من المشاحنات احنا مش صور طبق الأصل من بعض صالحها في كل الأحوال هتكبر أوي في نظرها وان كانت غالية عليك قيراط هتغلي انت عندها ٢٤ اكيد.

❤احتوي❤: حبك لازم يغنيها عن غيرك اللي يسألها " مالك" أو يسمعها أو يهتم أو يقرب منها، هي استغنت بك عن الكل وألف حد قال لها بحبك بس هي حستها منك عشان كده تستحق إنك تغنيها عنهم، وتستحق كل كلمة تخلليها تنور معاك، بكلمة ناعمة أنت ممكن تحتويها وترسم النور في عنيها.

❤استثمر❤: عشان تحافظ علي حبك لازم تستثمر فيه وتقوم بدورك صح✅،

⬅️⬅️ فكرة انك تروح لدكتور الأسنان ٦ مرات في السنة مش بيضمن إن أسنانك تكون صحية ومش تقع وتخسرها؛ لكن اهتمامك اليومي بها وبشكل منتظم هو اللي بيضمن صحة أسنانك واحتفاظك بها. الاستثمار في علاقة حب💕 رابح طالما إنك مع الشخص الصح ✅ بتحبه صح ✅ هيعطيك ضعف حبك أو أضعاف لأنها فاهمة إن الربا في الحب جائز👌.

❤ارتقي❤: حبك لازم يوفر لها سلام داخلي ومش يسمح أبدا إنها تدخل في صراعات بين قلبها وعقلها... بينك وبين نفسها… بين سعادتها معاك وطموحها، سلام نفسها وهدوئها أهم عندك من تفاهات مقصودة وساعتها أنت هتتقدر أحسن وحبك هيكون مختلف، يعني مش مهم مين اللي يصالح مين إبدأ أنت مش مهم مين آخر مرة اهتم وصالح وعاتب واشتري هدية🎁 اهتم أنت مش مهم مين بيضحي المهم ترتقي.

❤💜💕❤💜💕❤💜💕

يمكن نتفق إن الحب أجمل إحساس ممكن نصادفه لكن نختلف في طريقة الحب نفسها وصعب حد يحب بنفس طريقة التاني بس يقدر يتعلم منها شئ، دي تفاصيل نظريتي عن الحب وفكرتي الشخصية وأتمني أكون قدرت أوصل رسالة📩 وكل واحد/واحدة فينا يقدر يتعرف علي مشاعره ولو حصل وحب يقدر يسعدها/تقدر تسعده سواء بكلمة حلوة كل يوم أو في اليوم أكتر من مرة... باهتمام ... بقرب... بود... بورد.. بهدية… بتقدير أو حنية أو بخوفه علي الطرف الآخر وتمسكه به كل ده كويس جدا لأنه مهم إنك تحب والأهم تتعلم تحب صح!

"حب صح✅ أو ابعد✋"

#amira_ibrahim_neues_leben