اول حاجة لازم نعرف الجينوم ، الجينوم هو جميع الجينات الموجودة في الكائن الحي و ادام اسمه الجينوم البشري يبقى هو جميع الجينات في الإنسان ، الجينات دي هي صفاتنا و اللي بتكون على الكروموسوم ، اللي بيكون الجينات دي هي النيوكليوتيدات و هي عبارة عن تسلسل مكون من حروف ( A . C. G .T )

المشروع اكتمل عام 2003 بعد عقدين من عمل العلماء حول العالم و كانت النتائج مذهلة

من نتائج التجربة جسم الانسان فيه 3 مليار نيوكليوتيد

اكتر من 98% من النيوكليوتيدات عبارة عن تسلسلات غير مشفرة يعني ملهاش اي وظيفة بتقوم بيها بس عنها ميزة هتكلم عليها في الفقرة الجاية، اما 2% فهي تسلسلات مشفرة و دي ليها علاقة بصفات الإنسان زي الشعر و الطول و دي بتتشابه بين البشر

التسلسل الغير مشفر للنيوكليوتيدات ادى لظهور البصمة الوراثية لان التسلسل اللي ملهوش وظيفة دي مستحيل يتكرر بين شخصين ( إلا التوائم المتطابقة )

الفوائد من المشروع

علم الصيدلة الجيني - العلاج الجيني

المفهومين اللي فوق يختلفوا عن بعضهم بكتير

هبدأ بالعلاج الجيني

في ال DNA لتصطف النيوكليوتيدات قدام بعضها بالشكل ده بحيث A يقابلها T و العكس

G يقابلها C

فمثلا

ACTTCAGTCA

TGAAGTCAGT

ده بيكون الشكل الطبيعي لكن في بعض الاحيان بيكون فيه اخطاء في النيوكليوتيدات فيبقى

ATCGGCATG

TAGGCGTAG

ده بيأدي ان الجين اللي بيتكون بيكون فيه عطب

لما بنكون عارفين اي نيوكليوتيد كان السبب في الخلل فبنقدر نعالجه من اننا ندي الشخص المريض بعض من الخلايا السليمة اللي فيها ترتيب النيوكليوتيدات بيطةن طبيعي

اما الصيدلة الجينية

فلما بيكون الشخص مدروس كويس من اطباء و علماء و صيادلة يقدروا يعرفوا حسب جينات الشخص بانهم يصنعوله دواء مخصوص بيكون مختلف عن الادوية العادية في اكتر من حاجة

اول حاجة بيكون مفعوله قوي

ثاني حاجة الشخص بيكون غير معرض للاعراض الجانبية لاي دواء

تحديد الجينات

التسلسل الطويل من ال 3 من النيوكليوتيدات كان صعب دراسة الجينات اللي بتأثر في الافراد و اللي هي اقل من 2% يعني اقل من 60 مليون نيوكليوتيد فقدروا يحددوا حاجة اسمها كودون بدء و كودون ايقاف على ال mRNA عشان يعرفوا امتى الجين المشفر بيبدأ و امتى ينتهي

و كودون البدأ هو AUG و كودونات الايقاف هي UGA و UAG و UAA

و هدي مثال (( الترتيب زي اللي فوق بس بدل T هنستخدم U )) اول سطر بيكون DNA و التاني بيكون mRNA

ACGGCATACGTATTGATT

UGCCGUAUGCAUAACUAA

فاستخدام الكمبيوتر هيتتبع كودون بدء و كودون الايقاف عشان يحدد تسلسلات النيوكليوتيدات المشفرة