بسمع كتيير الايام دي سواء برامج او حديث بين الناس عن عبارة اثارت انصاتي وتركيزي عندما سمعتها مرارا وتكرار الا وهي"المساواة بين الرجل والمرأه"فقررت اقول راي المتواضع عن هذا الموضوع الذي انشغل به الجميع خلال هذه الفتره.

انا اه متفقه وغير متفقه مع هذه العباره ؟!

هتقولوا ازاي متفقه وازاي غير متفقه؟!

انا متفقة ان هناك حقوق او"اعمال"يتساوي فيها الرجل بالمرأه وهي

1-العمل طبعا ان الرجل والمرأه لهم حق في ان يبرز قيمتهم الشخصية لديهم للمرأة ان تثبت انها جديرة بالعمل وانها تسعي الي وجودها في القمة بجانب الرجل وتريد ان تحظي بالنجاح والرفعه وتثبت مدي جدارتها بالعمل وانها تستطيع ان تنافس الرجل وانها لها دور في المجتمع غير تربية الاولاد

2-تحمل المسئولية ان كل من الرجل والمرأة دور في المسئوليه تجاه المجتمع فاللرجل مسئولية بالحفاظ علي مسار شغله وتحمل مسئولية بالحفاظ علي اولاده اما المرأة فلها نفس الدور لها ان تحافظ علي عملها ولا تخالف قواعد العمل اذا كانت عاملة وايضا القيام بدورها باعتبارها ام لاطفالها وعدم التقصير في اداء بيتها واحتياجته

طيب يا ستي كده انا متفقه امال بقي فين انك مش متفقه؟

انا لست متفقة في الجزء المتبقي من الموضوع ان المرأة لديها قوة تساوي الرجل لان الرجل ربنا اعطاه القوة للدفاع عن المرأة باعتبارها كائن ضعيف اما بقي اللي بتقول علي نفسها انا قوية انا مش عارفه ايه انا اقدر اواجه انتي فعلا تقدري تواجهي وتعافري وكل حاجة بس في الاخر قوتك محدوده اذا كانت المرأة بتخاف من الحشرات الضعيفة هتعرف تواجهه حياة بأكملها وعلي فكرة ده برده مش تمجيد للرجل ولا حاجه هما بس شايفين نفسهم شويه فاكرين انهم رقم واحد وان المرأة ولا اي حاجه سوي انها ربة منزل فقط ودايما بيمسكوا في جزء من الاية القرائنية اللي بتقول بسم الله الرحمن الرحيم"الرجال قوامون علي النساء بما فضل الله بعضهم علي بعض وبما انفقوا من اموالهم" صدق الله العظيم

الرجال بقي بيمسكوا في اول الاية كملوها للاخر بما فضل الله بعضهم علي بعض يعني هما اه قوامون علي النساء ولكن بافضلية الرجال يا جماعة الموضوع مش حرب ان مين افضل ومين لا الاتنين بيكملوا بعض الاتنين مع بعض بيمثلوا قمة والاقوال ان وراء كل رجل عظيم امرأه الاتنين بينجحوا بعض والعكس مفيش حد له فضل علي الاخر عي ممكن تكون المرأه لها حق ازيد بانها هي من انجبت الرجل وهي الام والاخت والصديقة والجده وبنتك كمان يعني من الاخر كده الرجل والمرأة الاثنين نواتا نجاح المجتمع ليس واحد بعينه الاثنين يتعاونان مع بعضهم البعض من اجل رفعة الدولة وتحقيق الانجازات .

ياجماعة ربنا خلق الانسان ليكون خليفة الله في ارضه .

يعني الاتنين مع بعض بيكملوا خلافة الله بالعمل والعبادة وطاعة الله واجتناب نواهيه لذلك ان الرجل لا يساوي المرأة والمرأه لا تساوي الرجل كلاهما مع بعض هما اساسا كل دولة مفيش امرأة بتكمل حياتها بدون رجل هتقولوا لا ؟!هقولكوا الرجل اللي مبتقدروش تكملوا حياتكم بدونه ممكن يكون ابوك او اخوك سندكوا في الحياة متقدريش تعيش بدون سندك وكذلك الرجل ميقدرش يعيش بدون المرأة لانها امك واختك متقدرش تعيش من غير امك طبعا

لكن في ناس بتأخذ مبدأ المساواة بين الرجل والمرأة في اخطاء يعني ان الرجل بيقلد المرأة في حاجات وكذلك المرأة تقلد الرجل في الحاجات يعني بشوف فيديوهات في قمة عدم الاحترام بصراحة الرجل بيقلد المرأة في بعض اشياء غريبه جدا زي التجمل بادوات التجميل وهذا لايعد رجل والمرأة بتفعل رقصات للاولاد علنا ولا تعمل لانه بنت ولابد ان تتسم بالحياء والخجل

اللي عايز يساويهم ببعض يساوي بس في الصح مش في الغلط