انا مع بقاء السيسى فى حكم مصر لمدة 30 سنة لعده اسباب

الا وهى الانجازات اللى حققها وتتلخص فى الاتى 

1- انجاز تقليص مساحة مصر وبيع جزر مالهاش لازمه واخدنا مكانها رز اخضر 2 مليار دولار 

2- انجاز اوليمبى وعدد 3 ميدالية اولمبية حصل عليها ابناء القوات المسلحة على الرغم من ان باقى ال222 رياضى ولاد نفس المؤسسة حصدو المركز 72 من اصل 75 دولة

3- انجاز قناة السويس الجديدة كان اللواء مميش بيقول انها هتجيب 100 مليار فى السنة بس للاسف محددش سنه كام واحنا استعجلنا واتفائلنا زياده عن اللزوم وقولنا مصر بتفرح وحسدنا القناه وطلعت خسرانه السنه ديه بس معلش هنعوضها فى 2023

4-وصول 4 طائرات بقيمة 300 مليون يورو للرئاسة من ضمن اسطول طائرات اتفق الجيش على شرائة بعدد 24 طياره يعنى السيسى كل يوم هيركب طيارة شكل و6 ايام الاجازات بتاعتوا يركب فيها عجل براحتوا

5- انجاز توفير الامن والامان للمواطنيين على الرغم من ان العربيات لسه بتتسرق والبنات بتتخطف ومحلات الدهب بيحصل عليها سطو مسلح والمديرية فى اسكندرية اتقلبت بس برضوا احنا عايزين امن وامان اكتر من كده ايه

6- انجاز اعدام قيادات الاخوان بس بذكاء يعنى هو يحبس القيادات وما يدخلهمش علاج ويحبسهم فى اسوء اماكن ويسيبهم ينزفوا ويموتو وبعد كده القضاء يطلع حكم ببراءه الاخوانى زى ما عملو مع د.فريد اسماعيل

يعنى قتلهم وذل اللى عايشين خطة فى منتهى الذكاء

7-انجاز مبهر وهو الاعلاميين الكبيرين احمد موسى ومصطفى بكرى هما فى ذات نفسهم برنسات ويعتبروا من اقوى انجازات الجنرال بلحة اقصد الرئيس عبد الفتاح الشيشينى الناس ديه ترعه المفهومية وبحر العلم واساتذه فى مجالهم ولو كان الزمن خدمهم كانوا طلعو طبالين عالميين بس للاسف طلعوا مقدمى برامج تعريض شو

8 - الانجاز الطبى والطفره العلمية الغير مسبوقة باختراع جهاز اللوا عبد العاطى كفته مخترع الطب الكونى وده اختراع لازم الزمن يوقف قصاده كتير وعلماء الكيمياء لازم يدرسوه ان اللوا عبد العاطى قدر يحول فيروس الى بروتين وبروتين ايه مشوى كمان

9- انجازالفهم العصرى للدين وده يعتبر انجاز معتبر جدا لسياده الرئيس سيسينياهو على الرغم من ارهاب الاخوان وتكفيرهم لاى حد سواء كان مسلم او مسيحى وكرهونا فى الدين وحببونا فى الالحاد وفى صافيناز على الرغم من كده ربنا بعت السيسى ومحمد ابراهيم لتجديد وعصرنه او عرصنه فهم احكام ربنا بقياده على جمعه اللى افتى ان بيع الخمر والخنزير حلال لو كان المسلم بيبيعو فى دولة اجنبيه وافتى ان الزنا حلال لو لابس واقى ذكرى وافتى ان الكلاب ما بتمنعش دخول الملايكة البيت طالما هى فى الصالة وافتى ان الاخوان ناس ريحتهم وحشة وديه اهم فسوة قالها الشيخ على كفته الظاهر انه قريب اللو عبد العاطى كفته بس مخبى