مسائكم سعيد يا أصدقاء ان لم تشاهد الفيلم لا أدرى لكن ربما يفيدك هذا الكلام لفهم أدق خلال مشاهدتك خاصة انه لا يمكن ان أحرق لك أحداثا تاريخية معروفه وأن فعلت فاعتزر😅.

"Dunkirk والنبي الذى لم يأت بمعجزته"

‏تريلر الفيلم نزل من آخر السنة اللى فاتت تقريبا ومن ساعتها ودرجة الترقب كانت 100% وفي أعلى مستواياتها،التحدى كان ابهار الناس بقصة معروفة سلفا، ‏الجمل القليلة اللى ظهرت في التريلر كانت قوية بأناقة وسهوله وخلتنى استنى حوار رائع في الفيلم ثم ان ‏القصة التاريخية فيها حدث وصول مراكب المدنيين لشاطئ دانكرك وده خلى اعتقادى انى داخل اشوف مشهد اسطورى.

‏ما اجتمع زيمر ونولان الا وكان الابداع ثالثهما فطبعا انا داخل منضف ودنى كويس جدا بشوية ميوزك حلوة استعدادا للتورته الكبيرة و ‏قبل ما ادخل الفيلم قولت لاصحابى بعد الفيلم ماحدش يقول ده أعظم سوند تراك او الاخراج للمشاهد كان عظيم لان دى حاجات مضمونة خلونا نركز ع الخفايا.

‏نتكلم بقي في السياق ده:

موسيقي تصويرية وسوند تراك كامل من أعظم مايكون ولا يمكن يكون أفضل من كده في سماعات Imax الصوت كأنه طالع من قلبك😅10/10.

‏مدة الفيلم قصيرة وكان يمكن يصل ل ساعتين واكتر بدون اى ملل مع استغلال مشاهد -تم اغفالها- بصورة دراميا افضل مما حدث.

‏مشهد قدوم المراكب اتلعب فيه من خلال ظهور السيدة ولكن كان يمكن يطلع اكتر من كده دراميا هات اصحاب مراكب فقراء وركز عليهم،ناس بشرتهم سودا، ‏300الف فرد علشان تنقلهم بمراكب أكبرهم سعة بياخد50انت محتاج على الاقل6000مركب العدد ده بيقولك هات مراكب بالعبيط وطلع كادر سينيمائي يهز الجبال ‏في رأيي المشهد اللى كان يجب ان يكون الأعظم لم يكن كذلك كان جيد ولكن لم يكن الأعظم.

‏في مشاهد كنت باشوف هاردى من ورا ازازين،انت قولت انك مغطى جزء من وشه لانه مبدع بتعبيرات عينه،انت نقبته سعودى خالص وحتى عينه كانت بتبقي مخفية😅

‏الحوار كان جيد جدا ولكن جمل التريلر اقوى من اى جملة تانيه كانت في الفيلم وكلمة HOME كانت عظيمة ومتوقعه بشكل غير مبتذل.

‏قطعنا في الراجل بما فيه الكفاية ولأن الراجل عظيم ف طبيعي انتقاداته هتكون على دقائق مش كوارث كبيرة نرجع تانى للإبداع:

‏المفارقة بين موقف القيادة الإنجليزية من جنود الحلف الفرنسي ثم موقف الجنود الانجليز نفسهم ثم موقف العامه عظيييييييييم وكله دلائل واسقاطات😍😍

‏مشهد السفينة اللى بتتحمل ثم بتتضرب وكيف ان ما تهرع إليه الآن قد تهرع منه غدا كان مشهد رائع.

‏حوار الرجل قائد المركب المدنى لما قاله *الحرب ينشئها رجال في مثل سنى ثم يرسلون الصغار يموتوا بها هذا ليس عدلا* كانت جملة رائعة وأداء عظيم😍😍😍

‏مشاهد اعادة الرواية من محور اخر كانت جميلة وواضحة لا اعتقد ان أحدا قد يلتبس عليه الأمر لأكثر من ثوانى،خرجت بشكل سلس وده كان رائع.

‏هانز زيمر تانى وثالث ورابع ومليون والله😍😍😍😍😍😍😍😍😍😍😍

‏وختاما He had to make people hate war more.

عملها بس كان في أعظم عند نولان ده اختصار الفيلم الجيد اللى اعتقد هايبقي تقييمه7 وشوية عimbd ‏وبما انى اديته8 يعنى اعلى مما أتوقع وصوله ليه على imbd اعتقد ابقي انا من محبي الفيلم😍
واعتزارى لرقاقة اللغه.