(الرجالة زى الاطفال )النصيحة المعفنة اللى بيقولوها للواحدة لما تتجوز

لا ياستى جوزك موش طفل

وان كان ع الطفولة اللى مستخبيا جوانا فهى موجودة فينا كلنا انت كمان فيكى الطفولة وممكن تعيشوها سوا-ف بعض الللحظات-لكن ليه دايما الزوج الكويس اللى بيخلى الستات تغير من مراته هو اللى بيسمه خطا مدلعها بمعنى انه بيكون بيحايل ويدادى واللى عايزاه تعمله وهو اللى مسئل عن كل شىء وهى مسؤلة فقط عن اللبس والكوافير

دى ماتبقاش ست بيت ولامراة دى طفلة بتلعب ولعب غير تعليمى كمان

وف المقابل الست الشاطرة هى اللى تعمل كل ده لجوزها وهو يروح الشغل وباليل مع اصحابه وتستناه ولما يرجع ماتشتكيش من اى مشكلة ف البيت ولا بخصوص الاولاد ولو المرتب نقص ماتقولش تتشقلب بس وتصرف ع البيت

ده بجد اسمه شغل عيال

ده موش جواز موش استقرار موش مسؤلية

دى موش لعبة العريس والعروسة اللى بنلعبها واحنا اطفال نفوق شوية من الحلم الوردى اللى مافيهوش تعب غير شغل البيت ولا مسؤلية غير تجهيز البيت والشبكة والفرح

النصيحة المهببة بتاعت الراجل زى الطفل بتخليكى تغلطى نفس الغلطة اللى غلطتها امه معاه وهى بتربيه فماتحمليهاش كل مسؤلية فعدم تحمله للمسؤلية لانه لما بتجيله الفرصة يشيلها سعادتك بتضيعيها موش هنطلعه برىء مالموضوع بس انت ماتساعديش على كده

جوزك موش طفل تعامليه زى الاطفال تخبى عنه الامور المهمة وتخوفيه بالعو (بالمناسبة راى ان دى غلطة كبيرة بنرتكبها مع اطفالنا برضه)

لا لازم يكون معاكى خطوة خطوة

لازم يفهم بتعملى ايه

فكل تفصيلة حتى الصغيرة لو قلنا مثلا هتشترى جبن للبيت

اه موضوع يستاهل يعرفه ويختار معاكى الانواع اللى بتحبوها والمفيدة واللى تاسب ميزانية البيت وبكده موش هيجيى بعدين يقلك ليه ماجبتيش كذا فتقوليه فاكراك بتحبهاش او لانها غالية فيقلك هو المرتب بيروح فين

على فكرة اصغر الامور هى اللى بتقوم اكبر المشاكل وتقلب الحياة نكد ومعاهابيضيع تفاصيل صغيرة كتيرة حلوة يعنى لو الخناقة دى العشا اللى كنا ناويين نتفرج بعده على فيلم سوا طبعابعد الخناقة لا ف فرجة ولا نيلة وهنخش نتخمد واحنا متعكننين- وربنا يبعدنا عن النوم بعد العكننة بيقى صباحو استغفر الله العظيم-

وبالتالى نصحى فاكرين اننا امبارح اتخانقنا وماحدش فينا عاايز يكلم التانى الا لما يصالحنى الاول.....

وهكذا ويستمر ويستمر ويستمر

يعنى بالعربى دخلنا دايرة النكد وماادراك ما دايرة النكد امر من دايرة الدهون (المتجوزيين يعرفوها كويس)

لازم كل واحد يصارح التانى بكل حاجة ومايستسهلش انه يخبى ع الوضوح

بنتكلم عن اتنين شايفين انهم قد المسؤلية فقرروا يتجوزا يبقى لازم يعرف بتعملى ايه وموش مشكلة يضايق هو تقبل ملاول انه يتجوزك وانتى موش ملاك وماهوش طفل ولازم يواجه وماينفعش نهرب من الحوار ولا من الحلول

وماينفعش لو سعادتك نحنوح وبتحب تمشى الامور انك تخبى وتشيل كل حاجة وحدك عشان تخلص وعشان ماتضطرش تنزل معاها-معظم الراجلة مابيحبش ينزل يشترى مع مراته- يعنى لو حصل وسافرت هى هتشيل مسؤلية البيت ازاى ماتناش زج مثالى بالطريقة دى

لا التكبيرموش حلو

التكبير مابيريحش التكبير بيراكم المشاكل

والجواز مشاركة فعلا

المشاركة الحقيقية بتخلق متعة

ملحوظة: لو ماشيين ع الوضوح ملاول موش هتبقى بعد كده مشكلة اننا نتكلم فى اى شىء موش هيكون ف محاذير اصلا