( ملكتان للجمال و  لقب شجرة الدّر )

من أجل الظفر بجائزة لقب (شجرة الدّر) .. قامتْ كلٌّ من ملكة جمال (شجرة حبّ الملوك) و ملكة جمال (شجرة النخيل) بهذه المحاورة الغنائيّة بكلام شعر الملحون الراقي :

                                                             ملكة جمال (حبّ الملوك) :

مَنْ شجرة ْالمُلكْ ، حَبّهْ طلاّتْ وافيهْ عاشْقَهْ لَمْليحْ

             اغْصنْها ثامرْ .. قبّهْ اتْدلاّتْ وْ هي ناطْقهْ تسْبيح ْ

                     ظلْها خيْمهْ زاهْيهْ ، تْنادي وْ هي طالْقه لبْريحْ

                         فنْهارْها خْيولْ هايْمَهْ ، صْفايَحْها سابْقه الريحْ

                               ضِيفْها ذوّاقْ عاشقْ وْ عنْدها وْ بها يلْقى تلْميحْ

                                       اشْعورْها فايْحَه انْسامْها غادْيَهْ  مْعتْقهْ  تلقيحْ

                                               خْدودْها وارْيَه ،خِيلانْها لاحتْ مْشوْقه لفْصيحْ

                                                        ابْناتْها  في  الزّينْ ، و أيّ  تعليقْ   فاتو  التصْريحْ

                                                                   مْدينةْ (صفرو) طْيورها بانتْ و مْجَوْقه بَالمْديحْ

                                                                               هِبةْ مَنْ عند اللهْ بْلَحْمَرْ حنّاتْ مْزوْقهْ لبْطيحْ

                                                                                         خُدْ حَبّهْ تْشَهِّيكْ فْحَبّهْ اللذة فايْقه التوضيحْ

                                                                           ملكة (ثمر النخيل) :

بينْ التّينْ و الزيتونْ هلّتْ مُولاتي مْشَرْفه كلْ لعْبادْ

            راسْمه واحاتْ ، عْربْ و عْجمْ جاوْها مَنْ كلْ لبْلادْ

                       تْفصْلاتْ كْمامْ مايْله رْكوع ْ ، حامْده اللهْ الجوّادْ

                           وارْيَه مُولاتي فالطولْ و قْوامْها سارِْيه ذاتْ العمادْ

                                     النخلة  يا ناسْ ، سرْ اللهْ  بْجودْها  نوْهو  لسْيادْ

                                                 بالثمرهْ يا لْبيبْ ، وصّى حْكيمْ قالْ: دْواها شدّادْ

                                                           عرجونْها كمْرهْ ، و بحْسابْها بانتْ لمْنازلْ وْ لبْعادْ

                                                                         هي ثمرة بحْليبْ العرسانْ ، فالْ وْ حَضّرْ لشْهادْ

                                                                            عْسلْها فْطورْ بْرمضانْ ، وْ مْع الغروبْ هبْ النْفادْ

                                                                                  نخلة وْ جْملْ هما تْوامْ شْمَلْهمْ مْأصّلْ عنْدْ لحْفادْ

                                                                                            تاجْ مْرصّعْ فُوقْ راسْها ، وْ زادْها للتاريخْ أمجادْ.

أنتم لجنة التحكيم : فمن يا ترى فازت بلقب شجرة الدّر ؟

بقلم : تاج نور الدين .