اسمحوا لى أن ألقى نظرة على ما رأته عيناى إمرأة عربية فى عقدها العشرين..
-تربيت منذ صغرى على جملة "الست ملهاش غ بيتها و جوزها" وكبرت لأتيقن إن مفيش راجل هيقبل إن الست اللى هتشاركه حياته تنجح او تكبر عنه ولو حصل وكان شخص خارق لتسلطية وتمركزية الرجال حول ذاتهم وساندها تحقق أحلامها فالغالب هيجى وقت وكينونة الذات هتعلى عنده ويهد المعبد باللى فيه تحت مصطلح "أنا الراجل"
-زى ما برضه هو نفس الراجل اللى لما بيحب يتجوز بيختار القطة المغمضة فيما معناه لو خرجت من بيتهم تتوه
ويختارها ع أساس الخلق ويسمح لنفسه انه يشوفها عشان لو نالت القبول عنده تبقي كداا تمام ما اصل الشرع بيقول كدا
لكن هى وحشة لو ما أحرزتش إعجابه مع إن برضه من حقها بحكم الشرع ان هو يلاقى عندها القبول، فتبدأ ساعتها الجملة المعتادة الراجل "ميعيبوش غ جيبه" ,,لكن شكله اللى هو اول شئ دور عليه ف اللى هيتجوزها مش مهم يابنتى المهم انه مناسب ليكى ..
-بغض النظر بقي عن إن هو ممكن يكون مقضيها بمعنى الكلمه ومعندوش مانع لو برضه فضل ع علاقة بواحدة والا اتنين بعد الجواز لزوم إن "إمرأة واحدة لاتكفى"
لكن لو حصل والبنت دى هى اللى كان ليها تجربة ف حياتها
تبقي ف نظر المجتمع سيداته قبل رجاله مذنبة"شمال"..
والمفروض إنها ماتحكيش للى هتبتدى معاه حياتها تحت مسمى إن ده ماضى مش من باب اللزوم يعرف عنه شئ ، والا قصدكم انه ميعرفش عنه حاجة عشان يفضل صاينها..
ولو برضه افترضنا انه كان جنتل وتقبل فكرة ان كان ف حد ف حياتها عادى فلو ظهر ع سبيل المصادفة الشخص ده ف حياتها بعد كداا عقله هيروح شمال..
_مصطلح "العانس" اللى تواجد عند المجتمع العربى بأكمله مين صاحب فكرة ان البنت قطار الجواز بيفوتها و إن ليها سن معين بعده تبقي منتهية الصلاحية ووقتها نجوزها لراجل قد أبوها عادى أهو ضل راجل ولا ضل حيط ماهو راجل لو سنه فوق الستين من حقه يتجوز عادى انما لو ست لا دى عايقه هى مش شايفه نفسها رجلها والقبر ياأخى سبحان الله هو الراجل برضه مش رجله والقبر والأغرب إن الكلام ده اول مابيطلع بيكون من نفس الجنس الأنثوى..
_نيجى بقي لمرحلة مابعد الجواز و جملة دى "خلفتها بناات" والراجل عاوزله ضهر من صلبه البنت مسيرها تتجوز يقوم بكل بساطة يتجوز مرة واتنين وتلاته عشان الواد اللى هو اصلا جينيا مسئول عنه والمسكينه لو اعترضت يطلقها..
-وتبدأ جهادها مع المجتمع وهى موشوم ع جبينها مطلقة في مجتمع بيقدس الزواج ويعطى للرجل حق الخيانة لكنه يرجم الطلاق
رجاله ينظرون لها ع أنها فريسة سهلة الصيد من صائد محترف تنتظر الشباك المناسب،ونسائه يعتبرونها ذات عيب والا ما أصبحت مطلقة..
ذاك بإختصار هو المجتمع الشرقى الذى أنجبت نسائه الشرقيات رجلاً شرقياً.
عزيزتى المرأة أنتِ الضحية لكنك أسبقت المفعول بالفاعل فكنتِ الجانى أيضاً.
#نورهان_عصام_الدين