احنا دايما بنتعلم ازاي نكسب حاجه بس في الاغلب مبنتعلمش ازاي نفقدها... بنفرح لما نتقبل بس مبنعرفش نتعامل مع الرفض  

وال shutt down ،، اللي اترفد من شغله واترفض في انترفيوا وضاع ولسه ع القهوه ، اللي اتقاله مع السلامه انت معكش فلوس ، اللي حبيبها سابها ولسه بتدعي للوقتي انه يرجع وهو بردوا ع القهوه بيلعب مع اللي اترفض دور استميشن اللي اتجوزت واتطلقت ولسه بتلعن جوزها اللي اصلا مش فاكر اسمها التاني كان ايه

في الحياه ديه ،، كلنا بنحاول ننجوا

.كل واحد فينا عايش صراعه الخاص بيه . محدش بيملك قرارات ناس تانيه ،، محدش معاه تشارت بتوريك الناس تصرفها الجاي فين . بس المشترك بينا جميعا ان مفيش حد عاوز يتعور ،، رغم انه حقيقه اكتر من السعاده الفشل احتمال حدوثه اكبر من النجاح ،، بس احنا دايما بنتجاوز عن ده.

وفي النص الناس بتظلم بعضها :حبه بيعملوا ده عن قصد علشان بس يحسوا بالامان وحبه بيعملوا ده من غير قصد في محاولة انتقام.

اللي بينتقم بيخسر اكتر من اي حد ،، لانه ببتحول لنسخه طبق الاصل بس اشد ضراوه من جلاده . اللي بينتقم بيظلم اخر حد ينفع يظلمه "نفسه" سواء الانتقام كان self harming او isolation كله ظلم للنفس.

سامحوا بعض وخلوا الماضي في حاله.

لو اتكسر منكم حاجه فده بيدل انها ضعيفه من الاول كان لازم تتكسر ،، اللي اتكسر بيتصلح،، مجتمعنا غبي وكل قوانينه العرفيه غلط،.

اللي بيندم علي ماضي وبيعيش في الندم ده زي اللي بيشرب سم وبيقول عدوي هيموت وفرحان بده.

قبل العاصفه فيه هدوء بس بعدها فيه سكينه وعدم خوف واصلاح..

تفهموا موقف الناس ،،

احزنوا وعيطوا واصرخوا بس تاني يوم افتكروا ان مفيش الا نسخه واحده منكم بس ومفيش حد مهما شبهكم هياخد مكانكم وكملوا عياط لحد ما تقفوا اقعدوا يوم شهر سنه المشاعر بتاخد وقت وهي الحاجه الوحيده اللي مبنعرفش نستعجلها بترتد عليك

. كلنا ،، كلنا فينا جانب اسود هذا لايعني ان جميعنا مرضي نفسيين وهذا ايضا لا عيب فيه ولكن المرض شئ ثقيل لا احد يتمناه الا من عمي حسه

عهدنا لكم بالسلام ،، لكننا في لحظه فقدناه . لذا فأمانينا بالسلام علينا وعليكم