مش كفاية انك مشيت فى طريق الحرام عشان توصل لشىء مش بتاعك ولا من حقك   كمان عايز ربنا يكافئك بالوصول لية والحصول علية ،،، ( وانك يعنى تاخدة كدة بالساهل وتفرح بية وترضى نزواتك ومزاجك على حساب غيرك ) .

لاااا :- ده كان لازم يعاقبك اشد العقاب ، وهو انك تنحرم منة ويضيع منك ومش بس كدة لاء وكمان تشوفه فى ايد اى حد الا ايدك . 

عارف لية :- لان ده العدل المطلق العدل الالهى لا يشوبة الباطل من فوقة ولا من بين يديه ، وطبعا عشان كل واحد منا يفوق ويعرف ويتأكد ان الطريق الوحيد للسعادة فى الدنيا والاخرة هو الطريق المستقيم ومفيش غيره ،

اما بقى الطرق الملتوية واتباع المعاصى والنظر للى فى ايد الغير والمشى ورا الشهوات فمصيرهم كلهم التعاسة والحرمان او حتى غضب الرحمن والعياذ بالله ،

وإلاً لية :- فى حلال وحرام اوفى ثواب وعقاب اصلا ، ويبقى مثلا اللى تعب وعرق واجتهد سنين طويلة عشان يقدر يبنى بيت زيه زى اللى استسهل وراح سرق عشان نفس الغرض.

الخلاصة :- عمر الحياة ما كانت بمزاجنا ولا هتكون ولا عمرنا هناخد منها شىء الا المكتوب لينا او علينا وعمره ما هيكون سبب سعادتنا الا الطريق الصح .