1 مايو 2017

( بكره تفرج )

-----

وانت قاعد فوق سريرك 

جوه أوضة بره وطنك 

هات لعقلك ميت لجام ..

-----

لما يصرخ صوت أنينك 

م الوجع و يروح لقلبك 

سكته و خليه ينام .. 

-----

أصل حالك مش بإيدك 

إنت وضعك غصب عنك 

غصب غصب الغصب عنك 

وضع غاية ف الاحترام ؟! 

واللطافه ؟! واللذاذه ؟! والانسجام ؟! .. 

-----

وضع عند الفجر عاقل 

وضع صبحه يكون تفاؤل 

ييجى ضهره يبقى مايل 

و اما ييجى الليل تحايل 

ف الظروف بنت الحرام .. 

-----

تانى يوم : 

يوم جديد كله تفاؤل 

بس ييجى الضهر - قابل 

حال لعين مليان مشاكل 

يلا سايس .. يلا حاول 

مهما كان الوضع سافل 

إنت أقوى م الآلام ..

-----

ييجى ليلك : 

قوم و قلل صوت نفيرك 

يلا يابنى فوق لروحك 

لملم الباقى ف جروحك 

نزل الهم ف وضوئك 

دارى ألمك 

روووح ل ربك 

صلي نص الليل - قيام .. 

-----

خدها منى : 

مشى حالك - زى بعضه 

اللى جاى زى اللى قبله 

أصل هوا الوضع نفسه 

مش هاكتر ف الكلام ..

إدعى ربك 

( بكره تفرج ) 

========

ونقول ف حب الوطن 

-----

يبتلعني صدرك بلا رحمة ؛ يحنو علي ك عصفور يترنح بين جناحي أمه ؛ ك قارب صغير بين لطم الأمواج - يقاوم كي يستقر ؛ يحتويني بقسوة أيدي الأب المربي لأبنائه ؛ يلتهمني كما التهمته رضيعا ؛ ل يثبت لي في كل لحظة قانون الحاجة ؛ لا يتوان عن احتسائي قسرا ؛ يرتشفني علي مهل ؛ لم يبق مني إلا القليل كي أنتهي ؛ وحين أنتهي ؛ تتجدد رغبتي كي أكتمل ثانية ؛ وحين أكتمل ؛ تتجدد رغبته هو من جديد لالتهامي ؟ وهكذااا ندور حتى اللانهاية .