ناس كتير شايفة غربتنا راحة وسفر وفلوس وجو حلو وناس أحلي, هما طول الوقت شايفنا بنتفسح .. بنلبس أحلي لبس... بناكل أحلي أكل ... والدنيا طول الوقت بمبي بمبي بمبي😀

ماحدش قادر يتخيل الوجه التاني لنفس العملة ولا بيقتنع به حتي لو حكيت له عنه. بيتخيل بس الصورة الوردية 🌸 اللي في باله أو اللي بيتفرج عليها في صورك وحكاياتك اللي أنت مخبي كتير من تفاصيلها وبتداري "بالحمد لله" أوجاع😣😣 اكتر.

في الغربة حنين وأشواق لناس بعدتنا المسافات عنهم وشئنا أم أبينا مش هنشوفهم إلا في الأجازة السنوية ده لو في عمر, في الغربة وحدة لا بتملاها ناس شكلها حلو ولا جو حلو ولا فلوس ولا أكل ولا فسح ولا لبس....

والحل🤔🤔🤔🤔؟ ؟ ؟ ؟ ؟ ؟ ؟ ؟ ؟

#وجهة_نظري البسيطة واللي متأكدة انها الحل الأنسب هي اننا نتعلم نختار وطن, والوطن انسان حضنه دافي وكلامه بيهون الصعب.

أنا ليه اخترت الوطن انسان🤔🤔🤔🤔؟ ؟ ؟ ؟ ؟

لأن ببساطة الغربة مش بلاد🌏 إنما أشخاص👩👨👩👨👩👨, والبعد مش مسافات لكن عقليات متنافرة وضمائر غايبة وحب مش لاقيينه, كتير ناس عاشت مع بعضها سنين وكل يوم كانوا بيزدادوا لبعض كره وبعد, كتير عاشروا بعض سنين وماقدرش واحد فيهم يحتوي😭 التاني وقت ضعفه ويهون عليه في عز الأزمة😢. في الغربة أنت محتاج انسان مش أهرامات الجيزة ولا كوبري قصر النيل, مش محتاج سريرك🛏 اللي كنت بتنام عليه ولا أكلة🍲 حلوة, لكن محتاج انسان 💑 لو تعبت يفديك براحته ويتابعك ويخاف عليك بجد مش تمثيل, اللي لما يلاقيك حزين 😓 يقلب الدنيا حواليك عشان يخرجك من الحالة دي , اللي تقول له عندي مشكلة يلاقي لك حل🖒 في ثواني ومش بيحسبها ولا يفكر كتير حتي وإن كلفه حل مشكلتك راحته وشغله مش بس فلوسه, باللي لو حل مشكلتك مش في إيده هيقول لك إوعي تخاف ... باللي شايفك طول الوقت بطل ..... باللي بيزرع جواك ثقة بأنك حاجة كبيرة أوي .....باللي يقول لك بصدق "خللي بالك من نفسك" ماهو انت غالي عليه .... باللي بيتطمن عليك ويهمه أوي أمرك ..... باللي يوم ما يغيب عنك بتحس إنك مش عارف من غيره تتنفس🙁 أو في حاجة مهمة أوي نقصاك ..... باللي بتبات معاه نار بتصبح رماد.... باللي بيزعل أوي عليك لو غلطت ومش بيزعل من منك .... باللي بيسهر عشانك وعشان ماتحسش انك لوحدك حتي لو بينكم بلاد ......

بس نصيحة 🚫 اللي تختاره وطن لازم يكون شخص تقدر تفتخر به أدام نفسك قبل الناس, اختاره حد عنده دين وضمير, حد يكون قاصدك أنت من بين كل الناس ومصر عليك أنت وعاوزك أنت 👉 بالتحديد وقادر يكون لك بحجم القيمة اللي هتديهاله: قلبك❤.

اختار شخص بيتلهف عليك وبيعرف يحتويك، بيقدر يغير مودك😣⬅😀 ويهيئك كل يوم تكون أحسن من اللي قبله,

اختار شخص قادر يخفف عنك الوجع مش يتعسك, اختار اللي معاه مفتاح ضحكتك 😁,

اختار اللي فضل مؤمن بك وقت ما أنت نفسك فقدت ثقتك في ذاتك واعتقدت إنك مش هتوصل,

اختار اللي بيدعيلك 👐 ليل ونهار واللي فضل يحارب في نفس معركتك وفضل وراك يحمي ضهرك ومش مهم تشوفه لكن الأهم أن مافيش ضربة تأذيك, اتمسك بالمحارب ده أوي لأنه ما استسلمش وقت ما كان الاستسلام أضمن لحياته, اختار اللي دايما شايفك مختلف, اللي طول الوقت واثق فيك, اللي يطلع معاك خطوة خطوة لسابع سما وعمره ماهيفكر يجيبك تحت سابع أرض, اختار اللي يوم ما تيجي عليه 😠 وتوجعه غصب عنك مش هتشوف السوء في عنيه وهيقرر يفضل متمسك بك.

معاه مش حتعيش إحساس الغربة 😣 تاني ومش هينقصك في أي مكان غيره ومش هيوحشك غيره وقلبك ❤ اللي سبته معاه.

اتعلموا تختاروا الشخص الصح وبس كده!

"اخترتك وطن"

#amira_ibrahim_neues_leben