(أوبريت حكيم المغارة) - مقال كلاود
 إدعم المنصة
makalcloud
تسجيل الدخول

(أوبريت حكيم المغارة)

لأول مرّة أوبريت بشعر الملحون .

  نشر في 19 يوليوز 2015  وآخر تعديل بتاريخ 08 ديسمبر 2022 .


في أول سابقة بتاريخ المغرب وبالخصوص في (شعر الملحون)  أقدم لكم و بكلّ تواضع هذه الأوبيريت.

                                                       (أوبريت حكيم المغارة)

المشهد :

في مكان غريب حيث توجد مغارة مهيبة يسكنها أحد الحكماء وقف الزائر (أيوب) منادياً وقد ظهر

على وجهه عناء سفر طويل :

امْحايْني  قْبابْ  اتْعلاّوْ ... نتّرجىّ  اللهْ  وْ لكْرامْ   فيكْ  يا لمْغارة ْ

              اغْواوْني لصْحابْ  وْ  خيْبوا  ظنّي ... ما  خلاّوْ   لي   غيرْ    لمْرارة ْ

                     انْساوْني  لقْرابْ   بعْدما  عرْفوا ..جيبي   اخْواتْ  ليهْ  لعْمارة ْ

                            سَمّاوْني  غْرابْ بعدما   كانْ  حْمامي...  فلعْلو  مْتوّجْ   مْنارةْ

                                  هجْراتْني ذّْيابْ.. بعدما نهْشاتْ لحْمي وْ عظْمي  ولّى  نْخارة ْ

                                           ضاعْ منّي شْبابْ.. و الدنْيا جهْلاتني وْ بحْناشْها  هي  غدّارة ْ

                                                              خلاوْني سْبابْ وْنكْروا صْديقْ فالشدّةْ ما كانْ يعرفْ شْطارة ْ.

في هذه الأثناء يخرج الحكيمْ سحنون من مغارته مجيباً :

كْلامكْ  سْوارتو    بْالمْعاني ..  عْلى   ناسَكْ    يكْسْرو    البابْ

               مْيازْنكْ    فالصْحابْ   ..   بانتْ     حْروفْ    روْناتْ   كْتابْ

                     مْعارْفكْ لقْليلْ يَصْدقْ  .. و الباقي  بيكْ  يْلقحوا   سْحابْ

                               اخْواتكْ  احْسبْ   كفّكْ  .. و الباقي  بيكْ   يْفلْحوا   تْرابْ

                                    اخْوالكْ فيهمْ لِّي حْبيبْ .. و الباقي فيكْ  يْلمحوا  عْتابْ

                                             اعْمامكْ فيهمْ لي تْصيبْ.. و الباقي فيكْ يْلوْحوا ضْبابْ

                                                       انْسابكْ احْضي لْسانكْ .. كْثيرهمْ  فيكْ  يْمَلْحوا  شْرابْ

                                                                جيرانكْ  طلّعْ  سوركْ  .. و لاّ راهْ  فيكْ  يْقدْحوا   قْرابْ

                                                                           ناسْ الدنيا   عينكْ ميزانْ .. و  السرْ  تْعرفو   فصْوابْ

في هذه الأثناء تصل الآنسة (سماح) وهي تنادي :

شفْتكْ  يا  الحكيمْ  ..  عْرفتْ    جْوابي   عَندكْ   فيهْ   لَمْقالْ

         وْلِيّة ْ  فهاذْ  الدّنيا  مَنْسِية ْ ..   غْواها    زْمانْ    فيهْ   لهْوالْ

                 ورْقةْ   باليَهْ    مطْويّة ْ.. كْتابة   زمّمْها   مْدادْ   فيهْ   لقْفالْ

                     هْدية ْ  فانْيه ْ  مسمومة ْ ..جاتْ  لغّمْها  غدّارْ فيهْ لخْصالْ

                            مجْلية ْ  مَنْ  داري  مَعْمية ْ فنْهاري .. و الليلْ  فيهْ  لهْبالْ

                                 محْشِية ْ فحْفاري مَشْرية ْ بخاطري .. والويلْ فيهْ لخْبالْ

                                        وْلية ْيا حْكيمْ جاتكْ ..  كْتافْها  نزْلو و لحْملْ   فيهْ  جْبالْ

                                              وْلية ْ يا حكيمْ جاتكْ .. بْغاتْ لعفو  وصْفة ْ  مَنْ   لحْلالْ

                                                       وْليهْ يا حكيمْ  خبْراتكْ .. و القلب فمحاينو  طلّقْ  وْصالْ

يجيبها الحكيم سحنون :

كلامكْ مْرايا  كْشفْ دْواخْلكْ  لّي   مْدَليهْ   عنقودْ

سْبابكْ  زاوْيه ْ.. جْلايْلكْ  مَسْها  ظْفرْ   مرصودْ

      سْوايْعكْ فاضْيهْ .. وْشَماتْ مْنادْلكْ  بْطرْزْ لْحودْ

           ايّامكْ  ماضْيهْ.. فرْشاتْ  مْنازْلكْ  مَنْفيّهْ   حْدودْ

                عْمارْتكْ  خاويهْ .. و مْصابْحكْ   مطْفيهْ   شْهودْ

                     صْبايْغكْ بايْنهْ.. بَدْلاتْ مْحاسْنكْ مْطليّهْ خْدودْ

                           خْواتمكْ تْصدّاتْ .. و  دْمالْجكْ  مَنْهيهْ   وْعودْ

                               عْصابكْ  حامْيهْ .. و   منارْتكْ   معْميهْ   وْجودْ

                                        دْواكْ بالـتّوبَهْ لْمولاكْ.. فالحينْ و عْليكْ  يْجودْ

                                                 تْولّي يّامكْ زهرهْ.. وْ بينْ يدّيكْ سلطانْ يْعودْ


في هذه الأثناء يصل سرحان  الشاب المتيّم قائلا :

ياحكيمْ حْكايتي مْع الغْروبْ مْشاتْ وْ ما وَلاّتْ

           وْحالتي مْعَ هبْ الرّيحْ راحتْ حامْلا َ علاّتْ

             بْدايْتي زهْره عْلى جنْبْ الْوادْ لاحتْ و دّلاتْ

               تيجانْها حيْروا بالي عْلى قدْها جاتْ وتْعَلاّتْ

                  خدودْها مْفتْحينْ عْلى يدّي رامَتْ و تْحلاّتْ

                        عطورْها فايْحهْ قصْداتْني وعْليَ ما بخْلاتْ

                              ربّيتْ الوَلْفْ وْ حالتي بانتْ فيهْ و تْجلاّتْ

                            صبْحي فاقْ وليلتي شهْدوا عْليها ذاكْ نّخْلاتْ

                                طْيورْ لينا لحْناتْ وْ بنا غنّاتْ وعْلينا ما تْخلاّتْ

                                          بْيوتْ بغْرامْنا علْماتْ وْ سَرْنا عْليهْ طلا تْ

                                                  نْجومْ فُوقْنا لمْعاتْ ولهلالْ مَنّو خَوْلا تْ

                                                   عْيونْ تحْتْنا نبْعاتْ و الولْهان مَنّو ما مَلاّتْ

                                                         وْحلْ رْبيعْ راسمْ الوانْ بنا لوحة تكمْلا تْ

                                                        ولبيبْ يعْرفْ مَنْ دْوامْ ساعة غيرْ غيمة تْنقْلاتْ

                                                               

ياحكيمْ حْكايتي مْع الغْروبْ مْشاتْ وْ ما وَلاّتْ

                     وْحالتي مْعَ هبْ الرّيحْ راحتْ حامْلا َ علاّتْ

                        ومَنْ بعْدْ لفْريجهْ جاتْ فْجيعهْ وعْليَّ عوْلا تْ

ا                                        حْملْ الوادْ ونْزلْ يْساومْ فدْراعو ز لاّ تْ

                                                  رَامَتْ ليهْ وسْخاتْ بيَ و عْليَ ما عقْلا تْ

                                                        هَمْتْ على وجهي وْلفْيافي دْروبْ تْحوْلاتْ

                                                                         اسْألتْ و لا جْوابْ عْلى لّي مْشاتْ وْ ما سوْلاتْ

                                                                                              بْكيتْ ودْموع ْالعينْ جارْيهْ عْليها تْوسلاتْ

                                                                                                    لا أثرْ لا خْبارْ و ارْجعتْ هي بْعيدْ رحْلاتْ

                                                                                                    يا حكيمْ حْكايتي فالغروبْ مشاتْ ما ولاتْ

الحكيم سحنون يجيب :

دْروبْ لهْوى يا الداخلْ عنْدكْ ضِّيعْ فزْناقْها

           دْروبْ لهوى يا الغافلْ عنْدكْ تْبيعْ اشْواقْها

                 دْروبْ لهوى يا العاقلْ عنْدكْ طِّيع ْ اجْواقْها

                      دْروبْ لهوى يا الواحلْ عندكْ ذِّيعْ فبْواقها

                          دروبْ لهوى يا الساءلْ عندكْ تْميَّعْ اذْواقها

                         الخارجْ منْها مولودْ و الشيبْ مرسومْ بوْشامها

                            الحاصلْ فيها مفقودْ والدِّيبْ مغرو مْ بغْنامْها

                                جارْيه ْصيّادهْ لّي اعْثرْ و اشتاقْ شَهّاتو باحْلامْها

                                          رامْيهْ صنّارهْ لّي ابْلعْ و غْفلْ عَلاّتو باقْدامْها

                                                   قاسْيهْ غدّارة لّي اسْمعْ تاقْ عرّاتو باحْكامْها


في هذه الاثناء يصل شاب صغير يشكو من رحيل الأم و ينادي قائلا:

اغْصنْ مالْ جاتْ ريحْ وْدفْعا تو

         سلْباتْ ليهْ وْراقْ بينْ طْيورْ فضْحاتو

ا                      غْصنْ ما دارْ ذنْبْ جاتْ وْعرّاتو

                        ونْدى باشْ يبْكي منّو هو حرْماتو

                             لخْريفْ بْعيدْ اشْمنْ ريحْ بْدا تو ؟

                                   وثْمرْ اليدْ فاتتْ قْريبْ و قطْفاتو

                                   اشْكى لخوتو عْلاشْ بوحْدو قصْداتو؟

                                               وْ لامْها بالليلْ عْلاشْ هو  عزْلاتو؟

                                               مشاتْ الريحْ و لْواتْ بعيدْ حتىّ عدّاتو

                                                           أمر اللهْ تْصرّفْ فيكْ أنا ما مولاتو

                                                                  ولاحْ الفْجرْ على الدنْيا  خْوطاتو

                                                                   وْ جا يْمامْ وْ حطْ على ظهرو مْخِلباتو

                                                                             زادو هَمْ عْلى همْ تْقولْ هي وصّاتو

                                                                                    وْخمّمْ يْديرْ عْليهْ عشّو وفريخاتو

                                                                                           ثقالْ حمْلو و لمْحاينْ ما نصْفاتو

                                                                                               الدنْيا طرْشهْ عيْنيها عْليهْ و بْغاتو

                                                                                                         أنا هو ليتيمْ ليهْ جاتْ و خْترا تو

                                                                                                               وقساتْ عْليه ْ و فْدوامة بلْعاتو

يجيبه الحكيم سحنون :

سيرتكْ وسيرتي مَنْ حْبابْ مِّي لي نْسوْها

             فراخْ العشْ صْغارْ تفجعو بغْيابْها

                 العتْبة مِّيمْتي قلّبْتْ عْلى وْ سادْها

                     الخيْمهْ مِّيمْتي فتشتْ عْلى وْتادْها

                              المَغْنى مِّيمْتي حْفرتْ عْلى وْتارْها

                                   المعْنى مِّيمْتي ناديتْ عْلى ْوصالْها

                                 قلّتْ حيلتي من الدنيا لّي جفلو ناسْها

                                              و عْياتْ يدّي من الدّقْ عْلى بْوابْها

                                                    نبْكي أنا و تْكملْ انتَ عْلى هْوالها

                                                        تشْكي انْتَ و نْخمّمْ أنا في حْوالْها

                                                             نترجاو الله لكبيرْ لعالم بحْكامها

                                                                رْحمْتو واسعهْ و عْلينا ريشْ جْناحْها

                                                                               العاطي يفْدي لينا يومْ نلْقاوْها

                                                                                 بعْناقْ الشوقْ نمْحيوْ ليلْ بْعادْها .


بقلم : تاج نورالدين


  • 3

  • تاج .. نورالدين .
    محام سابق- دراسات في الفلسفة والأدب - متفرغ الآن في التأليف والكتابة .- محنك في التحليل النفسي- متمرس في التحليل السياسي- عصامي حتى النخاع- من مؤلفاته :( ترى من هذا الحكيم ؟ )- ( من وحي القوافي ) في ستة أبواب وهو تحت الطبع .- ( علم ...
   نشر في 19 يوليوز 2015  وآخر تعديل بتاريخ 08 ديسمبر 2022 .

التعليقات

عالم بديع من السحر والمعاني  مشكور أستاذي
0
Zaya Maya منذ 9 سنة
أخذتنا في عالمك السحري إلى لحن سامق بالمعاني ورائع الألحان...تحية لك
0
تاج .. نورالدين .
شكرا للتعليق اللطيف و شكرا لمروركم هنا و أعدك أخي بأوبريت أخرى .. حفظكم الله من كل سوء .

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا