مفهوم العلاقات المرهقة أو الضيقة حسب ما بشوفها:
* علاقة مع الشخص اللي دايماً يحسسك إنك مقصر 🙄 مهما عملت رغم انك في حياته الشمعة🕯 اللي بتحرق نفسها عشان يفضل شايف النور ..
* علاقة مع الشخص المرهق جدا في انه يسمع اللوم أو العتاب وبيصمم انه اكبر من ان حد يوجه له لوم علي اي تصرف ..
* علاقة مع الشخص المتعب🙃 في تقبل الأعذار وكأنه ملاك😇 مش بيغلط أبدا ..
* علاقة مع الشخص المرهق😵 جدا في تفهم الظروف وقبول الحلول البديلة ...
* علاقة مع الشخص اللي بيخلليك تعمل حساب التبرير 😞وتقف تكلم نفسك في المرايا ..
دي علاقة ضيقة عليك ومش هتريحك ذي بالظبط الهدوم الضيقة اللي ممكن يكون شكلها حلو أو لونها جذاب أو ماركة وغالية بس ضيقة مش مريحة وطول الوقت بتتعبك أو توجعك. العلاقة دي بتجهد الذهن🤕 بطريقة كبيرة، بتهلك الروح🙁، بتنهي الصبر والأسوأ بقي انها بتألم النفس😔 ..
❌ الشخصيات المتعبة دي إرضاءهم صعب👎 والحياة بهم أصعب. بيلونوا كل شيء بنفس لون تفكيرهم الغامق ونفوسهم الباهتة.
❌ الفئة دي بتعرف تسحب طاقتك من كتر الأذي الذهني ..
❌ الفئة دي اعتزلها ما تضغطش علي نفسك وتتحملها لأن غيابها أحسن من وجودها، ولأن الشخص المؤذي لحياتك ولصحتك النفسية #تجنبه_حق_شرعي .
سيدنا عمر بيقول (اعتزل ما يؤذيك، وعليك بالخليل الصالح وقلما تجده)
علي النقيض بقي حاول حياتك تكون أبسط من ان ناس معقدة تضفي عليها لمستها، بمعني🤔
✔ انتق العلاقة الفضفاضة:
* علاقة مع شخص بيعرف يبتسم😁 ..
* علاقة مع شخص بيحب القهوة☕، الموسيقي🎶 والكتب📘📗 وحكايات زمان ..
* علاقة مع شخص هادي 😊 بيسمعك اكتر ما بيتكلم ..
* علاقة مع شخص بسيط وبيقبل الاعتذار بسهولة وبيشتري مش بيبيع ..
* علاقة مع شخص واضح مش غامض، فاهم نفسه وسلس مش صعب وكأنه معادلة كيميائية أو عنده عقد ولا مناطق محظورة جواه ..
#وجهة_نظري الانسان لازم يصاحب ناس مناسبة له ولحياته ولطموحاته، يفصل علاقة علي مقاسه لا ضيقة ومزعجة ولا واسعة ومبهدلة. العلاقات الاجتماعية بمختلف فروعها لازم تكون مريحة وفضفاضة تعطيك مساحتك عشان تتنفس وتتحرك وتغلط وتصلح وتبعد وترجع وانت متطمن ان مكانك لسه محفوظ.
" فصل علاقات علي مقاسك"
#amira_ibrahim_neues_leben
-
أميرة أحمدطالبة دكتوراة في تخصص اللغة الفرنسية وآدابها