(جْوابو .. عْلى طرفْ لْسانو)
إلى عشاق شعر الزجل الراقي .
نشر في 13 شتنبر 2015 وآخر تعديل بتاريخ 30 شتنبر 2022 .
( جوابو .. عْلى طرفْ لسانو )
سوّلتْ البوهالي : أجي انت علاشْ ديما مْسالي ؟
جوابو قرّدْني .. وْ زادْ عرّقْني .. حتّى امْرَكْ خْيالي
اضْحكْ وْ قالْ : إذنْ مَا سوّلْتي إلاّ راكْ مْسالي
ما عْلينا : خذْ مْعانى ! كْحولْ تنْفْعكْ ف اللّْيالي
الدنّيا حلْقةْ شَلاّ فْراجةْ .. تَمثيلْ مَا بْغاهْ هْبالي
الدّنيا حمْقةْ شلاّ بْسالةْ .. وْ عْقلي عْلى قدْ حالي
شي تيْبرْدعْ بْشي .. وْ درْتْ خرْقةْ هي راسْ مالي
شي تيْكرْدعْ بْشي .. شوكْ الظْهرْ رْماتو قْوالي
شي تيْبرْككْ بْشي .. شوفْ النْظرْ عشْقو هْلالي
شي تيْشطّحْ شي .. و عْلى لَقْرودْ لحّنْتْ موّالي
شي تيْدوّزْ بْشي .. لخْواضْ خلّيتو فْسوقْ البالي
و نوضْ منْ قدّامي ! بزّافْ عليكْ حكْمةْ البوهالي
بقلم : تاج .. نورالدين .
-
تاج .. نورالدين .محام سابق- دراسات في الفلسفة والأدب - متفرغ الآن في التأليف والكتابة .- محنك في التحليل النفسي- متمرس في التحليل السياسي- عصامي حتى النخاع- من مؤلفاته :( ترى من هذا الحكيم ؟ )- ( من وحي القوافي ) في ستة أبواب وهو تحت الطبع .- ( علم ...