النصائح الـ 25 فى السوشيال ميديا (Social Media) - مقال كلاود
 إدعم  المنصة   
makalcloud
تسجيل الدخول

النصائح الـ 25 فى السوشيال ميديا (Social Media)

الجزء الأول

  نشر في 29 ماي 2020 .

1- السوشيال ميديا فِكر وعلم وتكنيك وإبتكار، مش فهلوة وحركتين تحفظهم تبقى خبير وبكده يبقى لازم تفهم انك اياك تتفلسف فى هذا العلم، لان كل يوم فى جديد، الجديد انك تبقى مُلم بكل اللى بيحصل فيه.

2- فرق السما من الارض بين التسويق الالكترونى، تحفيز محركات البحث، التسويق على الشبكات الاجتماعية و السوشيال ميديا... لأن كل دول تحت حاضنة اسمها Social Media.

3- الشبكات الاجتماعية هى منصة Platform للسوشيال ميديا، من فيسبوك و تويتر و غيرهم... وخبرتك عليهم وقوتك فى امكانياتك مش معناها انك خبير سوشيال ميديا .. بالعكس انت محتاج خبرة فى مليون وسيلة واداة ومنصة للسوشيال ميديا عشان تبقى خبير.

4- ابو السوشيال ميديا هوا الــ E-Marketing وامه هيا الــ Marketing وبكدة انت لازم تفهم وتستخدم أدوات التسويق الاول وتفهم مبادئه وعلمه عشان تعرف تدخل وتتعرف على السوشيال ميديا صح.

5- مافيش قانون موحَّد، ايوة زى ما بقولك كده، مافيش حاجة اسمها قانون فى عالم السوشيال ميديا حتى الآن، لان ببساطة فكرة العلم ده مبنية على مجموعة من القوانين الخاصة بكل منصة + قوانين عامة للعمل، اللى بنسميها اخلاقياته + مجموعة من الخطوات المرتبة بتوصلنا فى الاخر لنتائج، ولو حد فينا حيعمل Prototype جديد او conceptual model فيه مجموعة متغيرات وعلاقات منطقية وادانا نتائج كويسة يبقى برضه دا علامة ولازم نستفيد منه.

6- علم السوشيال ميديا مبنى اساسًا ولآخر العمر على دراسة الحالة Case Study ولو فعلاً عايز تبقى استاذ سوشيال ميديا، يبقى لازم تتابع وتذاكر وتراقب وتنفذ اكتر من دراسة حالة وتطلع منها بنتائج كل يوم وتحليلات.

7- تحليلات Analysis & statistics هوده مربط الفرس، تحليلات واحصائيات بتدينا نظرة قريبة وثاقبة لكل اللى بيحصل ومن هنا تقدر تدرس توجهات المستهلكين ورغباتهم واهدافهم وطموحاتهم وحالة المنتج او الخدمة وافضل طريقة تسويقية وافضل Digital Marketing Plan واحسن e-Business Channel وافخم E-Marketing Mix ممكن تستعملها.

8- نتائج يعنى أرقام يعنى مبيعات يعنى Sales-Marketing افهم دى بقى، انك مهما كنت استاذ تسويق او سوشيال ميديا فأنت فى الاخر لازم تحقق نتائج لشركتك ودا لازم فى الاخر يعمل Leads و Sales و Profit و Loyalty .. خلاص انتهى زمن التسويق بس او البيع بس، النهاردة بقوا بيكملوا بعض لدرجة تخليك بيَّاع من غير ماتحس وتخلى اللى بيبيع بيسوق من غير ما يشعر، يعنى لازم تتمكن من مهارات المبيعات عشان تبقى ماركتير.

9- سوشيال ميديا يعنى وجودك أونلاين، والجملة دى بس محتاجة سنين نتكلم فيها، وعشان ابسطهالك، أونلاين يعنى موقع الكترونى، يعنى مدونة، يعنى منتدى، يعنى تواجُد يفرض نفسه على الشبكات الاجتماعية، يعنى أول نتائج فى محركات البحث، يعنى نشرات بريدية، يعنى إيميلات، يعنى بانرات، يعنى الاقيك فى اى موقع ادخله، يعنى افتح الكمبيوتر واشبك عالانترنت أشوفك فى وشي، فهمت حاجة؟؟؟ انت لازم تبقى أونلاين صح بمحتوى صح Content is the King عشان تشد الانتباه وتحول الــ Strangers الى Visitors ثم الى prospective ثم الى Customers ثم الى Loyal ثم الى Promoters.



   نشر في 29 ماي 2020 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا