- يابا

- نعم يابا

- ايش قاعد بصير بالدنيا ؟!

مش قادر افهم هو صح والا غلط الي بصير قصة كورونا يابا والتصريحات العالمية اللي عن جنب وطرف وانه هاد الوباء ما راح ينتهي وانه نص الارض بدها تموت !!

- ليش انت خايف من الموت يابا ؟!

- مو قصة خايف من الموت بس معقول هاي حرب زي ما بحكوا وراح تطول الكل ، والا غضب من ربنا لانه ابعدنا عن الدين والا نهاية الكوكب والا ايش ؟

- تعال احكيلك القصة يابا وركز منيح باللي بدك تسمعه :

اول شي بدنا نتفق انه احنا مؤمنين بالله سبحانه وتعالى وبدنا نتفق انه من اركان الايمان في ديننا هو الايمان بالقضاء والقدر ! متفقين ؟

- متفقين

- ثاني شي رسولنا صلى الله عليه وسلم قال : " ما اصابك لم يكن ليخطئك وما اخطأك لم يكن ليصيبك "

وكمان قال :

((وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ))

- حلو الكلام ؟

- حلو الكلام .

هسا اللي قاعد بتناقل الحكي سواء كان إعلام او سوشال ميديا او صحافة او غيرها من وين بجيبوا الاخبار هاي ؟

- من منظمة الصحة العالمية

- ياااا عيني عليك

في علم الحديث يابا يا حبيبي اذا بَطُل السند بطلت فورا الرواية او الحديث

- اها

- يعني اذا السند والمتن للحديث مش صح خذها من قصيرها ولا تقرأ الحديث حتى مجرد قراءة مش لحتى تتداوله وتحكي فيه كمان !

احنا شعوب محكومة ومسيرة مش مخيرة يا ابني وهاد الحكي من زمن كثيييير طويل من لما بلش اجدادنا يتنازلوا عن مبادئهم ودينهم و ورثونا هاي الذلة والمهانة اللي احنا بدورنا اتقناها باحتراف عالي ورضينا نكون قطيع تحت سلطة اعدانا ومن يومها لليوم هالعدو حاكمنا وحاكم العالم وبمرروا اجنداتهم وبتزيد سلطتهم وقوتهم كل زاد ضعفنا وذلنا بالزبط هاي هي المعادلة الطردية القائمة حاليا .

انا ما بنكر انه ممكن يكون في فايروس اسمه كورونا وما بحكي انه مش موجود بس بدي اسألك سؤال : ؟

مين قاعد بحصر وبِعد وبحط ارقام المصابين والمتعافين والوفيات وغيره ؟

- منظمة الصحة العالمية طبعا

- رجعنا لنفس المنظمة !!

- طيب مين قال انه هاي الارقام صح وفي مكانها ؟

اعطيني شخص واحد بس من كل هالعالم معه دليل واحد بس انه هاي الارقام صح !

طيب مين القائمين على هاي المنظمة ومين اسسها وشو كانت الغاية منها ومين همه افرادها وشو الها مصايب افتعلتها بالعالم لتمرير اجندات معينة وبتخدم مين على حساب مين و و و و الخ .. مليون سؤال وسؤال يا ابني راح تلاقي اجوبتهم لما بتقرأ وبتشغل مخك وبتحاول تعرف كيف الدنيا  ماشية !

وقتها راح تعرف انه اعلى مناصبها الاداريين يهود وصهاينة وهون راح نرجع لنقطة البداية انه اذا بَطُل السند بطلت الرواية فورا والحديث .

- يعني افهم من كلامك انها حرب ومقصودة ؟!!

- انا ما حكيت حرب .. بس هل تعلم انه عدد وفيات العالم من مرضى السرطان اكثر بكثير من وفيات كورونا ؟ !

بلاش .. طيب هل تعلم انه وفيات حوادث السير كمان اعلى بكثير من وفيات كورونا !! ومليون مرض ومرض شي بتعرف عنه وشي ما بتعرف عنه ومصايب الدنيا كثير يا ابني وفعليا كل مصيبه فيهم بتتجاوز كثير عن كورونا .. والسؤال ليش بس كورونا !؟ شو الفكرة وايش الغاية من تفزيع الناس وتخويفها وقلب موازين الارض كلها بكل عاداتها وتقاليدها لتنصاع تحت اوامر منظمة الصحة بحجة الخوف على مصلحة الشعوب !؟ّ ومين بقدر يجزم بالبرهان القاطع انه كل الوفيات اللي قاعدة بتتسجل هي فعلا من كورونا ؟

يعني لو جيت سلمت حرامي محاسب مالي وانت بتعرف انه حرامي وانه هالشي بدمه وهو مو ناوي اصلا يترك هالعادة وحكيتله انت المدير المالي وكل حسابات المال بايدك بس بشرط بدي تقرير يومي عن شغلك وحركاتك .. ممكن تثق بهاي التقارير ؟ بتكون انسان غبي اذا صدقت كذبة انت كذبتها .

طيب لو حكينا لهاي المنظمة المشؤومة عديلنا كم واحد معاه اسهال بالعالم واعلني بدورك انه العالم في خطر وانه اسهال الناس الزايد هاد مؤشر خطير وانه اثبتت الدراسات سبب الاسهال هو عدوى بكتيرية اصلها لحوم الابقار ! شو بتتخيل ممكن يصير ؟

طبعا انت لا شفت دراسات ولا عبالك اه ركز ..

انا بحكيلك شو راح يصير راح تبلش دول العالم تتخلص من الابقار وبالمقابل ارتفاع سعر الاغنام بشكل خيالي وراح يتضرر مزارعين الابقار ويتضرر وراهم تجار الاعلاف وكل واحد مربوط بهالمنظومة راح يطوله الضرر وراح تفرض امريكا عقوبات على الدول اللي عندها بقر او بتربيه وراح تصير هي المصدرة الاولى في العالم للاغنام .. صدقني هاد اللي راح يصير ، والفقير راح يقلب على الغني ليش معه ياكل لحمة وهو لا وراح تكثر السرقات ويتكركب العالم فوقاني تحتاني وتصدر قوانين بالارض جديدة كل دولة حسب شو بلقنوها وبطلبوا منها وكل هاد من خبر لعب الاعلام فيه لعبته عالميا عن منظمة اساسا مو سائلة حضرتك انسهلت والا اتنيلت .

- يعني لعبة يابا ومقصود انهيار الاقتصاد ليوصلوا لشي لسا احنا ما عرفناه !

- شوف بصراحة في بداية الامر انا عشت الجو مثلي مثل غيري وانه وباء وانها جائحة عالمية بس لما اللعبة طولت وقلبت ولدنة .. بطلت العب