✍️في كتاب "الرجال من المريخ والنساء من الزهرة" :بيتخيل الكاتب ان الرجال كانو من كوكب المريخ والنساء من كوكب الزهرة؛ ويوما ما اكتشف الرجال على كوكب المريخ وجود كائنات جميله على كوكب الزهره او وجود كوكب الزهره أيا كان؛؛ وبعدها قررو يكونو سوا على كوكب الأرض؛ وعشان كدا هما مختلفين؛ وكل واحد بيحن لطبيعته اللي هي مختلفه تماما عن طبيعة الاخر.... هو الكتاب يشد بصراحه؛ بس هو بيتكلم عن الخلافات الزوجيه تقريبا؛ هي كانت بتقول كذا وعايزه من كلامها الاهتمام مثلا او الاستماع؛ هو فهم كلامها انه مقصر او انها بتضايقه او أيا كان بس فهم غلط ضايقه منها؛ ومن هنا حصلت المشكله؛؛ هو يقصد ان تقريبا كدا السلوك متوصله غلط عند كل واحد وواحده هو بيقول كلام يقصد بيه خير وهي بتفهمه غلط؛ أو بيحصل تصرف يقصد بيه خير بيتفهم شر ويحصل خلاف او مشاجرات؛؛؛؛ خليني اقولكم وجهة نظري ف الموضوع دا: هما الرجال مش هقول مختلفين لا هما عكس النساء تماما؛ حاجتين كدا لايمكن يجتمعو؛ وازاي ممكن يكونو سوا... هقولكم يعني ايه.. البنت بطبيعتها ناعمه جدا ورقيقه جدا؛ ودا وصف ليها؛وجسديا ضعيفه طبيعتها؛ الكلمه تفرق معاها ولو وحشه تضايقها جدا وتوجعها وتأثر نفسيا عليها كمان؛ البنات عارفين ان البني آدم مكرم وان اللي ربنا كرمه أيا كان شكله وحالته ووضعه مين انت عشان تهينه؟!؛؛؛؛؛ نيجي بقا للولد بطبيعته خشن وناشف وجامد؛ وجسديا قوي او خليني اقول اقوي؛ عنده قناعة مابين الخيرين حساب.. عادي قولتلك كلمه ضايقتك🙄🙄 ايه المشكله؟! عادي اهانتك 💔😔ف مره أودام كذا او حتى ف لحظة عصبيه ايه المشكله؟! عادي مديت ايدي عليكي 😔😔ف لحظه عصبتيني فيها ايه المشكله؟! عادي خونتك💔💔 ايه المشكله؟! هما مشكلتهم.. انهم مش بيشوفو مشكله ف اللي بيعملوه؛ مشكلتهم ان طبيعتهم بتقولهم ان دا عادي.. نيجي نقولهم نخون زيكم يقولولنا :"انتي اتجننتي"؛ ما الفعل دا طلع مش عادي ليهم اهو 🤔 طلع في مشكله فعلا🤔 يعني احنا مش مزودينها ولا حاجه والفعل بيوجع💔 طب ايه.. ليه بتوجعنا ؛يعني حضرتك بتحس واحنا معدومين الاحساس مثلا بصرف نظر عن المجتمع وتحيزه للرجل ربنا لما قال قال "الزانية والزاني فاجلدو كل واحد منهما مائة جلدة" لا قال راجل يستحمل ولا بنت ضعيفه؛؛ ولا قال سمعة الراجل ولا قال سمعة البنت؛ الاثنين ليهم نفس العقاب ف الدنيا والآخرة لو مش تابوا؛؛الرجل والمرأة بنظري مثلهم كويس فيلم "الجميله والوحش" شوفت ف الفيلم دا حاجه.. علي الرغم من القوه والخشونه الزايده وقلة الذوق ف الكلام و حدة الطباع.. في قلب رقيق لو حبك معتقدش هتعوزي حاجه من الكون تاني وأعتقد وقتها هتكوني بامان غير كدا انسي؛؛ المشكله بين الرجل والمرأة ممكن تتحل لو هما فعلا عايزين؛ تنازل منها مره وتنازل منه؛ صبر منها وصبر منه.. ومينفعش طرف واحد يكون هو كل دا لانه آه العلاقه بتنجح وتستمر بس في طرف بيكون مظلوم؛ شايل لوحده يعني ومعتقدش هيقدر عشان هيكون فوق طاقة اي بشر؛ و مش هيشتكي ولا حد هيحس بيه!! ولو في حب.. التفاهم بيكون سهل اكتر ودا اللي بيحب الروح والصفات والطباع لكن اللي بيحب الشكل بس مسكين رجل أو أنثى عشان بيحب حاجه ميعرفهاش بطيخه يعني؛؛ انا شايفه انها مسئوليه؛ ومش هزار زواج الرجل والأنثى او جودهم معا بمكان واحد؛؛؛ اثنين مختلفين تماما عن بعض زي الماء والنار.. لو الماء اخد راحته شويه يطفي النار وميكونش ليها وجود ولو النار اكتر تتبخر المياه وتختفي.. الحل ان النار تكون هاديه والماء ميكونش موجها عنيف؛ كدا يفضل النار وشكلها يكون محبب ومتحرقش وتفضل الماء وتبقا متدفيه بوجود النار.. منظر اي حد يحب يشوفه؛ وبيئه اي حد يحب يعيش فيها❤️