في البدايه اسئله كتير وبتتغير اجاباتها ؛ مالهاش ثوابت.
هل القائد مهارة بااكتسبها يعني اي واحد يتعلمها هيكون قائد؟ ولا موهبه فطريه بيتولد بيها الانسان؟
ايه هي اهم صفات القائد؟
وازاي انمي نفسي عشان اكون ناجح في القياده؟ وايه الفرق بين القائد والمدير والرئيس؟
اراء كتير بااميل اكتر لاراء ابراهيم الفقي في كتابه صفات القائد الناجح والي هو دراسه تفيد اي قائد عاوز يطور من مهاراته بس هااضيف راي الشخصي كمان
ماينفعش اولا اكون انطوائ وانعزالي ومتردد وخواف وهااقول هاتدرب كويس وهاكون قائد
ممكن تكون مدير تتابع تنفيذ قرارات القائد
او رئيس محكوم بالروتين والقوانين وترأس جزء من مهام منظومه كبيره يقودها القائد
الوصف الجميل للقائد المتميز انه مثل نجمه الشمال تبقي في مكانها وتدور النجوم حولها
مش لسبب الاانه له كاريزما جاذبه للاخرين
سوا كان حديث شيق اواطلاعه الوفير او اهتمامه بالاخرين
صفاته
اهمها الشجاعه
~~~~~~~~~~~~~~~~~~~~~~~~~
ودي الي هتخليه صانع قرار جرئ ومحب للتغيير من غير توجس اوخوف من الفشل
تاني حاجه مهمه
الثقه بالنفس وبقدرته المختلفه وابداعه وثقته برضه هتخليه يثق في الاخرين ويثق في ابداعتهم
تالت اهم حاجه
القدرة علي التواصل الاجتماعي عامه سوا مع فريقه او القيادات الاخري
رابعا
صانع قرار مش شرط قرارايجابي لكن ده وقته
خامسا
مثابر وصبور
بيملك السيطرة علي الازمات والتوتر وضغوط العمل
سادسا
مرن ومش متهاون ولا صلب
سابعا
متواضع؛ محب للاخرين وبيحفزهم للعطاء والابداع
ثامنا
حريص علي صحته الي هي اساس سلامه تفكيره
يعني غذاء صحي ورياضه
محب للاطلاع في مجالات عمله والمجالات الثقافيه التانيه
تاسعا
مخطط جيد يضع خطط واهداف
مع تقبل تغييرها اذا اضطر لكده
دي مجمل الصفات والي جزء منها سهل اكتسابه
وجزء تاني يحتاج نوع خاص من البشر
اهم الامثله للقائد الناجح الرئيس السادات الي دراسه حياته وقرارته وتاريخه هي قدوة لكل قائد ناجح
وفي النهايه ممكن تقول لنا مين قائد في رايك شايفه مثال للنجاح وايه اهم اسباب نجاح؟