احنا عايشين ليه ؟! - مقال كلاود
 إدعم المنصة
makalcloud
تسجيل الدخول

احنا عايشين ليه ؟!

  نشر في 29 يونيو 2018 .

هو السؤال يبان للبعض تريقه وهزار والترند اللي طلع علي السؤال والهزار بس بجد والله احنا عايشين ليه !

ايه الحاجه اللي الانسان اتخلق انه يعملها وايه المفروض دورنا في الحياه ما اكيد ما اتخلقناش علشان نحزن ونتبهدل هو اكيد الحزن فتره بيمر بيها اي انسان في حياته بس بتنتهي واكيد مش المفروض تسيطر عليه السيطرة الكامله اللي احنا فيها دي

اكيد بردو اللي بيحصل ده ممكن مثلا علشان احنا عايشين غلط ومش بنأدي دورنا اللي محدش عارفه

بننام ونصحي ونقضي اليوم في اي بتنجان مع كامل احترامي للبتنجان طبعا وانه بيتعمل اكلات احسن من يومنا بكتير

بس معتقدش ان حد بيقضي يومه بكامل رضا كل يوم طول الاسبوع مثلا ممكن يوم اتنين تلاته بس معتقدش اكتر

احنا بنعدي ايامنا كده مش عارفين بنخبط في ايه ولا بنعمل ايه اصلا ولا حتي حاسيين بحاجة عايزين الليل يجي علشان نسهر ويتلم المتعوس علي خايب الرجا واللي بيشكي حاله لحاله واللي بيبكي علي مواله

الموضوع بجد يا جماعه والله احنا لو عرفنا احنا عايشين ليه هنعرف نبقي سعداء هنقضي علي الحزن وهدوء ما قبل العاصفه اللي سيطر علي حياتنا ده

احنا عايشين طيب علشان نعمل ايه طبعا في المرتبه الاولي العباده اكيد بس حديث الرسول صلي الله عليه وسلم يقول " اعمل لآخرتك كأنك تموت غدًا واعمل لدنياك كأنك تعيش أبدًا "

يعني في حاجة اتخلقنا علشانها اهي طب ايه طيب المفروض ندرس ماشي بندرس ونتعلم اهو ماشي ونشتغل تمام وهنتجوز ونخلف ونربي اولادنا ونعملهم ويشتغلوا ويتجوزوا اهو بس كده ؟!!

طب ما يمكن المشكله اننا مبنعملش اللي بنحبه ممكن احنا اصلا مش عارفين بنحب ايه علشان نعمله فبطلنا نفكر ورضينا بالمفروض !

وعندنا فقه تانيه من الناس ملخصه السعاده في انها تلاقي شريك حياتها وطول ماهو مش موجود هي تعيسه ! يعني هو لو جه الحياه هتبقي وردي بلا نيله

انا مش عارفه الحقيقه ايه الاجابة عن السؤال وقلما ان وجد حد عارف هو المفروض يعمل ايه بس اكيد فيه واكيد هنوصلها يعني هنوصل علي الاقل لحاجة توضحلنا معنى ومغزى حياتنا لان ربنا رحيم كريم جبار للقلوب

بصوا هو الاكيد اننا المفروض نوصل للحاجه الل نحب نعيش فيها باي وسيله واي طريقه اعتقد وقتها يومنا هيعدي واحنا مركزين وهننام اخر اليوم واحنا عاملين حاجه مفيده وبكل نفس راضيه وقتها يا ساده ستزول تلك الهالات السوداء من الوجه ومن الحياة وقتها هنعرف ايه المفروض نعمله ونعرف احنا عايشين ليه. 

مجرد دردشة ;)


  • 1

  • Retrophile
    اهذى مللاً وخيبة فلا تأخذني علي محمل الجد
   نشر في 29 يونيو 2018 .

التعليقات

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا