الأنسان منُذ الألفية التالتة وهو بيسجل أحلامه ع ألواح من الشمع، وبعدها بألف سنة أستخدم المصريون القدماء نفس الفكرة وسجلوا أحلامهم فى كتاب للأحلام، بالأضافة لتفسيرها وربطها بالواقع. ودا معناه أن الأنسان مهتم جدًا أنه يعرف إيه الأفكار الى بتنتجها دماغه على هيئة صور وأصوات تكاد تكون حقيقة جدًا. وبدأنا نسأل إية هي الأحلام ؟! ولية بنحلم؟!

بعد فترة كبيرة من أهتمام العلماء والأبحاث العلمية والتقدم التكنولوجى المعقد مقدرناش نوصل لإجابة محددة عن لية بنحلم ؟! بس فى شوية نظريات مثيرة جدًا عن الموضوع .. مثلًا ؟!

-إحنا بنحلم علشان نحقق رغباتنا المكبوته:-

مع بداية سنة 1900 وضع العالم سيغموند فرويد تفسير للأحلام والكوابيس، وقالك أن الأحلام دى عبارة عن مجموعة من الصور لحياتنا اليومية، الى مليانه برموز وأكواد والى بترتبط بتحقيق رغباتنا اللاواعية. نظرية فرويد أن كل شيء نذكره عندما نستيقظ من الحلم هو تمثيل رمزى من أفكارنا الفطرية اللاوعية المُلحة والراغبة، وكمان هو مؤمن إننا لو قدرنا نفكك عناصر التذكر، دا هايفرغ المحتوى اللاواعى وبالتالى هايخلينا نكتشف أكتر العقل الواعى والمشاكل النفسية النابعة من كبتها والى وقتها نقدر نحلها ونعالجها.

-إحنا بنحلم علشان نفتكر:-

لزيادة أداء قدرتنا على القيام بالمهام العقلية المختلفة، لازم ننام لكن الحلم أثناء النوم هايكون أفضل فى تَحسِينها. فى سنة 2010 أتعملت أبحاث أعمق على الأحلام وقدروا يحطولنا تصور مختلف من خلال تجربة أستخدموا فيها متاهة ثلاثية الأبعاد معقدة، والنتيجة كانت إن الأشخاص الى ناموا وحلموا بالمتاهة قدروا يوصلوا فى المرة التانية أفضل 3 مرات من الأشخاص الى ناموا من غير ما يحلموا، نظريات الباحثون أن عملية التذكر المؤكدة تحدث فقط عندما نكون نائمين وأحلامنا أشارة إلى أن هذه العمليات تحدث بالفعل.

-إحنا بنحلم علشان ننسى:-

فى أكتر من 10.000 تريليون واصلة عصبية فى هيكلة الدماغ بتتكون من كل حاجة تعتقد و تؤمن بيها وكل حاجة بتعملها. سنة 1983 فسرت النظرية الحيوية العصبية الأحلام والى أُطلق عليها التعلُم العكسى، ودى حالة بتستمر أثناء النوم فى الغالب فى دروات REM _Rapid Eye Movement_ وبتراجعها القشرة المخية الحديثة وبتتجاهل منها الغير ضرورى، ومن غير العملية دى الى بتتحقق بس فى أحلامك عقلك هاينشغل بالأتصالات عديمة الفائدة، والأفكار الطفيلية ممكن تعطل التفكير الضرورى الى بتحتاجة وانت صاحى. بشكل أخر، فى فترة الأحلام بيحصل عملية فلترة للمخ من الأفكار الى ملهاش لزمة.

- إحنا بنحلم علشان نحافظ على عمل عقلنا:-

نظرية التفعيل المستمر بتفسر الأحلام على أنها نتائج لأحتياجات عقلك لتعزيز وخلق الذكريات لمدة طويلة بأستمرارلكى يعمل بشكل صحيح لذا عندما ينخفض الدخل الداخلى إلى أقل من مستوى معين مثل عندما تكون نائمًا، عقلك يقوم تلقائيًا بتوليد البيانات من مخازن الذاكرة التى تظهر لك على شكل أفكار ومشاعر الى بتظهر فى أحلامك. بمعنى تانى، الأحلام شاشة عشوائية بتشحنها دماغك بالأفكار والمشاعر علشان الدماغ يستمرمُفعل.