زعلانين 😔😞😟😒 إنها كانت هترمي إبنها من الشباك عشان يدخل البلكونة ويجيب المفتاح؟ زعلانين 😞😔😕😟😒انها كانت هتموته؟ عرضت ابنها للخطر؟
وانا كمان زعلانة منها أوي... متضايقة منها اوي... كنت بشوف الفيديو ومتوقعة إن الولد هيقع لا محالة... وخايفة عليها من ندم هتعيش باقي حياتها تعاني منه ده لو عاشت بعد ابنها والحمد لله قدر ولطف مش بس عشان للولد عمر يمكن كمان عشان كل واحد فينا يراجع نفسه... بينه وبين نفسه.
كتير شيروا الفيديو🎬 وأكتر اتكلموا عنها وشتموها وطالبوا بمحاكمتها... طيب واحنا🤔؟
في #وجهة_نظري بلاش مبالغة ⛔
هي كانت هترميه من الشباك صحيح ويمكن كان زمانه في عداد الموتي بس عن جهل وقلة عقل مش قصدها هي إنسانة سيئة التصرف، لكن أخي المثقق أختي المثققة يامتعلمين يا أكاديميين يا اللي مش حدفتوا ولادكم من الشباك نفسي أسألك ( علي رأي أصالة) سؤال بسيط:
وحضرتك🤔🤨؟
يمكن مش عرضت ابنك للموت بشكل مباشر ومش رميته من الشباك بس أكيد رميت نفسيته وإنسانيته من ١٠٠ شباك في ١٠٠ موقف ومافيش مخلوق صورك، عارف امتي؟
⬅️ يوم لما اتخليت عنه وهو لسه محتاج لك ونفسيته اتدمرت لما فجأة لقي نفسه من غير سند،
⬅️ يوم لما نسيت إنك أبوه وفكرت بس في نفسك ورغباتك، وأصبح يتيم وحضرتك حي ترزق،
⬅️ يوم لما أهدرت كرامته أدام اخواته أو أصحابه أو جيرانه علي غلطة صغيرة هي في الأصل فرصته للتعلم،
⬅️ يوم لما ضربته وسمعت به الناس واستعرضت عليه قوتك بحجة انك بتربيه،
⬅️ يوم لما أهملته وهو بيقول لك محتاج لك ماهو ابنك ومن حقه يحتاج أبوه، غالبا نفسيته انتحرت مش كانت محتاجة شباك تترمي منه،
⬅️ يوم لما كسرت الطفل اللي جواه وأنت بتهينه وتسبه وتلعنه هو واللحظة اللي اتولد فيها، بسبب درجة الامتحان اللي حضرتك أصلا مش ذاكرت معاه عشانه،
⬅️ يوم لما اديته ضهرك وهو بيكلمك وأنت نازل تقابل أصحابك، مش عينه بس اللي اتكسرت للأرض دي أبوتك اللي نزلت للمكانة المنحدرة دي،
⬅️ يوم لما أهنت إنسانيته وأنت بتنفس عن غضبك من الشغل أو مراتك أو حياتك فيه، في ابنك اللي هو حته منك.
انت كمان رميت ابنك بنفسيته بإنسانيته package من الشباك يوم لما عملت فيه كل أو بعض اللي ذكرته فوق👆 واستكبرت تعتذر منه ولا عرفته انك ندمان 😔علي غلطك في حقه ولا عاهدته🤝 إنك مش تكرر الغلط تاني، واستمريت تغلط واتماديت ومش عاوز تراجع نفسك ولو مرة واحدة وكأن ابنك مجرد جماد مش بني آدم.
والأسوأ انك مش راضيت ابنك،
لا ومنتظرين لما نكبر يراضونا ويراعونا ويبرونا.
" طفل البلكونة موجود في كل بيت "
-
أميرة أحمدطالبة دكتوراة في تخصص اللغة الفرنسية وآدابها
التعليقات
لطرح إستفساراتكم و إقتراحاتكم و متابعة الجديد ... ! تابعنا على الفيسبوك
مقالات شيقة ننصح بقراءتها !
مقالات مرتبطة بنفس القسم
ما بين التثقيف والتصفيق فى الجمهورية الجديدة!
دائماً ما كانت «الأنظمة» تستخدم «المثقفين» للترويج لأعمالها ومشروعاتها(هذا إن افترضنا أن هذا النظام يمتلك مشروع بالفعل)، ولكن فى الماضي كانت هناك أنظمة «عاقلة» ومثقفين «موهبين» قادرين على الحفاظ على الحد الأدنى من «الاحترام» والمعقولية فى «الطرح» و فى مستوى
