الدنيا - مقال كلاود
 إدعم  المنصة   
makalcloud
تسجيل الدخول

الدنيا

  نشر في 20 يوليوز 2016 .

صحيت من النوم ببص حوليه مالقتش نفسي في مكاني لقتني في مكان فظيع متاهه بس مافيهاش حد

وفضلت ماشي يمكن اوصل لنهاية الطريق.......

بس المكان شكله غريب قوي , الشجر شكله جميل واول ماتقرب منه وتقعد تحت ضله تستريح فجأه تلقيه بيتحول للون اسود ويحاول يقتلك

فطلعت اجري وانا خايف ,,,,

وفي طريقي لقيت بحيره صغيره فرحت اصلي عطشان وروحت اشرب

فجأه البحيره بقيت موجه عاليه وحدفتني بعيد ,,,,,

وببص لقيت نفسي وسط حديقه جميله فيها ورد كتير حبيت اخد ورده مجرد ما ممسكتها لقتها مليانه حشرات فرمتها من ايدي بسرعه

وكملت طريقي وبالصدفه لقيت بيت صغير مستخبي تحت الشجر ذي مايكون مش عايز حد يشوفه

قولت ادخل يمكن الاقي ميه وارتاح شويه وروحت وانا خايف , ودخلت لقيته مترتب ونظيف والاكل والمياه محطتين على الترابيزه ذي مايكون في انتظار ضيف,,,,,

واقعدت اكلت وشربت , وبعدين فكرت مين اللي جاب الحاجات دي هنا مع ان مافيش حد , وببص حوليه لقيت سرير فقولت انام يمكن اكون في حلم واصحى منه بس صحيت لقيت كل حاجه زي ما هي و برضه مالقيتش حد, فخرجت وكملت طريقي,بحاول اوصل لنهاية الطريق

وفجأه لقيت راجل عجوز قدامي سألتوه انت مين : قالي انا عابر سبيل , قولتله انت تايه؟؟

رد وقالي : لأ يابني انا عايش هنا , قولتله اصلي انا كنت نايم وصحيت فجأه لقتني هنا ومش عارف اوصل لنهاية الطريق ,

المكان غريب قوي , شجر بيتحول , والبحيره بتبقى موجه عاليه وحاجات

كتير غريبه , هو احنا فين؟؟؟؟, رد وقالي احنا في الدنيا,

الدنيا!!!!!! ازاي مش دي الدنيا اللي انا عارفها ماكنتش كده ؟؟!!

رد عليه اصلك كنت اعمى وكنت شايف الدنيا زي ما انت عايز تشوفها

بس دلوقتي ربنا شفاك وشوفت الدنيا على حقيقتها

قولتله طيب ممكن تقولي ايه اللي انا شوفته ده وحكيتله على كل اللي انا شوفته

لقيته بيرد عليه ويقولي:

الشجر ده: دول ناس بتبان عكس حقيقتها يعني بيمثلوا ويخدعوا الناس وبيبينه انهم بيحبوك و وقت ماتحتاج لهم ماتلقيهمش معاك وممكن يتقلبوا ضدك

اما البحيره : دي ناس غداره مابيحبوش يدوا حاجه لحد حتى وان كان القليل من المشاعر ,,المهم عندهم يخدوا وبس حتى وان كانت حياتك

اما الورد: دول الناس اللي الدنيا كلها عارفه ان دول افضل البشر لان ده اللي شايفينه ,, بس لو دخلت لحياتهم هتلاقي عكس كده

البيت ده يابني: دول ناس مش موجودين كتير بيحبوا يساعدوا مش مهم عندهم اذا كنت هتعرف انهم هما اللي سعدوك ولا لأ علشان كده مش بايينين ,,,ربنا يابني يجعلك من الناس دي

وفجأه صحيت من النوم ولقتني لسه اعمى حمدت ربنا ودعيته ان لو الدنيا

بجد كده انا مش عايز افتح


  • 2

  • Hager Ali
    تهوى كل ما يبعث السعاده..كل ما هو جنوني
   نشر في 20 يوليوز 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا