إتعلمتي إيه ؟ - مقال كلاود
 إدعم المنصة
makalcloud
تسجيل الدخول

إتعلمتي إيه ؟

أتمنى تعذروني في المقال ده على العامية ، بس حسيت ان الكلام هيكون من القلب وهيوصل أسرع :)

  نشر في 23 غشت 2016  وآخر تعديل بتاريخ 30 شتنبر 2022 .

المقال ده في المسودة من سنة 2015 ، ومن ايامها بفكر في إجابة لسؤال بيقول :

إيه أهم حاجات اتعلمتها من الـ 24 سنة اللي انا موجودة فيهم في " الفانية " زي ما أ.أيمن العتوم بيحب يوصف الدنيا في رواياته :) ؟

أنا آخر حد يقدر يقول مواعظ وحكم لغيره ، لأني شخصية غير منطقية في تصرفاتي ، مبفكرش كتير قبل ما أتصرف والتلقائية واصلة حد التهور والأخطاء قبل ما بتكون صغيره بيكون تأثيرها أكبر من قنبلة هيروشيما كل مرة :) ، لكن هعتبر السطور الجاية كلها دردشة بيني وبين نفسي وبينكم ، أتمنى تنفع أكتر ما تضر .. وهكون ممتنة جداً لو تشاركوني اللي اتعلمتوه في عمركم - المديد - ان شاء الله :

- الصُحاب مِش مراية على أد ما هٌما حافز ، وإنت واختيارك وسرعة تداركك للاختيار ده لو للأسف كان غلط .

- التعامل مع الناس كلها بمنطلق إنهم " إخواتك " ده الشئ الصح ، بس مقدرش أوعدك ان ده هتبقا نتايجه كويسة في كل الأحوال ، ولو عاوز الصراحة معظم النتايج بتبقا كارثية .

- الثقة عاملة زي ازازة ماية صغيره في الصحراء ، يا تطلع ناصح وتدي الناس منها بحذر وتتاكد ان اللي هتديله محتاجها ، أو ترميها كلها ع الارض وتموت انت من العطش - مع مراعاة انك مش ضامن حد يعدي عليك او ان السما تمطر - .

- مفيش حاجه اسمها حب ما تعمل حتى تعمل ما تحب ، فيه حاجه اسمها اعمل وأكيد آخر اللي هتعمله خير وممكن يطلع خير أكتر من اللي انت بتحبه وعاوز تعمله ، أهم حاجه متوفرش مجهود .

- مش هقولك سطح علاقاتك لان كلنا في تعاملنا سوا مش شبه بعض ، فيه الاجتماعي وفيه الانطوائي بس هقولك ياريت يارييييت وانت بتبني علاقة اقتصد في مشاعرك لحد ما تتأكد ان العلاقة دي مع الشخص الصح عشان متبقاش عامل زي اللي معاه 100 جنيه مرتب آخر الشهر بعد خصومات وضاعت منه وهو مديون .

- مفيش وقت متأخر على كلمة " نقطة ومن أول السطر " ، دايماً طول ما انت بتتنفس لسه يبقا فيه وقت ، صحيح صعب انك تبدأ من الأول بس لو هتحاول طول عمرك تبدأ صفحة جديدة أحسن ما تشخبط في صفحة بايظة .

- دور على الصح في كلام الكبار ، واعمله بطريقتك .. أهم حاجه لازم تصدق ان كلامهم فيه جزء كبير من الصح حتى لو مش عاجبك ، وإن محدش قريب ليك هيديك نصيحه وهو قاصدلك بيها شر .

- طول مانت عايش اتعلم ، الوقت اللي بيضيع هتندم عليه يوم لا ينفع الندم ، بلاش حلمك يبقا فلوس كتير وعربية وحلم البنات جواز ، يا مكتر اللي شوفتهم في حالة مزرية لأن بعد ما حققوا ما يسمى بأحلام عمرهم تاهوا وبقوا عايشين بقية الوقت سد خانة أو لحد ما يبقا فيه جديد .

- كان فيه جملة بحبها أوي للسيدة عائشة بتقول إن الله يُغير ولا يُعير ، حاول تخلي فيك الصفة دي مع الناس اللي حواليك ، متتريقش على حد ولا تفتكر لحد الوحش ، يا تساعده يا تدعيله - من قلبك - إن ربنا يقويه على نفسه ، ولو شوفته اتغير متفكروش بالوحش اللي كان فيه ولو بتلميح ، ناس بتضيع بسبب كلمة .

- الناس ذوي الأقنعه متجازفش معاهم ، بكرر : متجازفش .

- من قريب سمعت جملة جميلة جداً بتقول : " إنه لأمر مُفزع أن تبقى أسيراً للذين فروا " .. متحاولش تكون الشخص ده ، اقتل الفراغ اللي بيسيبه جواك رحيل شخص او شئ لأن الفراغ أول حاجه هتطاردك وانت بتحاول تكون أقوى وتنسى .. خليك شجاع وحافظ على نفسك واديلها الأولوية .

- وأخيراً لو إنتَِ طيب متزعلش وتقول مشكلتي اني طيب ، الطيبة دي نعمة ومش ذنبك إن محدش بيقدرها ، هيبقا ذنبك بس لما تقلب عبط وسذاجة وإن اللي رايح جاي يبهدل فيك وانت بتشتكي بس .


وزي ما بقولك على طول : ** قِف بجانبك :) 


  • 1

  • داليا هاني
    لست كاتبة ، فقط أوظف ما تعلمته في تحويل مشاعري لكلمات لعلها تفيد أحداً أو تمس روح آخر أو تترك أثراً طيباً ، وتنقلني من عناء التفكير لعناء الكتابة واختيار الكلمات والأخير أفضل بكثير :)
   نشر في 23 غشت 2016  وآخر تعديل بتاريخ 30 شتنبر 2022 .

التعليقات

عمرو يسري منذ 8 سنة
جميل جدا .
0

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا