مش فيلم عادل إمام 😁...لا ، ده موقف بيحصل كل يوم ولازم تخللي بالك من أغلي ما تملك: عقلك🤯!

" نجمة داوود✡ "

بعض الناس نصحوني بتجنب الاحتكاكات المباشرة، واللي بينتج عنها جدال وحوار غير مفيد. لكن شئنا أم أبينا في مواقف هي اللي بتفرض نفسها علينا ، وتيجي لحد عندنا 😉

احنا عايشين في مجتمعات مفتوحة وبنخرج وبنشتغل ونحتك بناس من كل صنف ولون يعني اللي يعيش يامايشوف فما بالكم باللي يسافر؟

، يمكن تفضل في أمان لو بنيت حواليك فقاعة كبيرة وعشت جواها، لو فضلت في بيتك🏠 ، لو بعدت عن الناس، لو قفلت⛔ الفيس بوك، لو اكتفيت بنفسك 🚫 بس ربنا مش خلقنا عشان نتقوقع، والأمان مش انك تثبت في مكان ومش تتحرك… انت مش جماد ده حتي الجماد صنعه الإنسان لمهمة ولهدف:

" السفينة🛳 في أمان ما دامت في مينائها، ولكن ليس من أجل هذا تصنع السفن🛳🛳 "

في #موقف_لا_ينسي

خلصت شغل وكنت في الطريق للبيت🏠، وانا ماشية كان في ست عجوزة👵 ماشية الناحية التانية من الطريق. وصلت إشارة ووقفت لقيتها جنبي بعد ثانيتين قالت لي انتي عارفة ان دي نجمة داوود✡؟

وكانت مبتسمة😉 أوي مش فاهمة ليه🤔، قلت في عقل بالي فاضية وأكيد بتقول اي كلام نجوم ⭐⭐إيه اللي في عز العصر حضرتك🤔😁

فشاورت لي علي رأسي، قلت لها نجمة⭐ إيه؟ قالت لي انتي لابسة نجمة داوود✡...

فين دي😮؟ قالت لي اللي علي رأسك حسست علي راسي وعملت إني متفاجئة 😯وقلت لها اااااه،

هي استطردت وماصدقت لقيت حد يستقبل منها ومش يرسل: قصة نجمة داوود✡ وانها رمز ديني مهم Bla bla Bla bla

.. بالصدفة كان واقف ورانا رجل 👨شكله عربي وقرب 🧐مننا جدا لما لقي الحوار ممتع والست متمكنة من معلوماتها🤓 والحقيقة إني كنت صعبانة عليه 😞 عشان مش ملاحقة عليها وعلي الأدلة والبراهين 📗📒📖 اللي عمالة تخرجهم من الشنطة بتاعتها…

الإشارة 🚦 فتحت واحنا مش عدينا ولا الرجل كمان وطلعت كتيب📗 صغير اوي وبدات تبرهن قصة النجمة ✡.

وقتها سمعت صوت جوايا بيقول: ياااه نجمة اسرائيل ✡ يا أميرة؟ يا عميلة؟🙄😒

وبرضو في صوت تاني بيقول : حتي لو☺! ماهي نجمة سيدنا داوود عليه السلام😇😜 فين المشكلة احنا هنكفر😁؟

قربت اتلغبط🤯🙃 من كتر ما هي مخلصة في سرد المعلومات وبتتعب بجد في فتح الشنطة💼 واستخراج الكتيبات📘📙📗📒… دي لا سنها ولا لياقتها يسمحوا لها بالشقي ده كله عشان اقتنع😂😂😂،

وانا منتظرة تخلص كلام…

في النهاية قالت لي: انتي مش مقتنعة أو مش حابة كلامي ولا مش حابة نجمة داوود ✡رغم انك لابساها وعجباكي… انتي بتعملي حاجة صح جدا بس لازم تصدقي فيها….

انا بجد كنت مستعجلة ⌚فقلت لها: حضرتك خلصتي كلام؟

قالت لي: اه

قلت لها:

⬅️ أولا نجمة داوود✡ دي مش يهودية الأصل وكانت رمز هندسي ورمز للسحر والشعوذة علي حد معلوماتي يعني مش نجمة⭐ اليهود بس، طبعا عينها🙄 وسعت فجأة واستنكرت كلامي😏...

⬅️ أحلف لك باللي خلق داوود وقبله النجوم⭐⭐⭐ كلها اللي تعرفيها واللي ماتعرفيهاش: اللي علي رأسي دي مش نجمة داوود ✡عشان نجمة داوود✡ لها ٦ ضلوع مش خمسة🤓😜😉😉😉

اخونا اللي كان وراها برق عنيه🙄 وفتح بقه😮 وقال لي انا مكسوف بس بجد؟

بجد ايه هي ناقصاك؟

✔ نجمة داوود✡ معروفة وشكلها كمان مش معتاد وهي رمز لزفت اسرائيل🇮🇱 بس عشان دي ناس🤬 مالهاش مبدأ بدلوها بالشمعدان مش بتاع القويري لا ده 👈🕎

" خللي بالك من عقلك "

#وجهة_نظري انت معرض دايما انه علي غفلة يظهر لك سوفسطائي🤓 في حياتك يحاول يقنعك بشئ ويبرهن ويأكد ويصمم ويبقي عاوزك تصدق اوي عشان يخلليك انت كمان تقع في الفخ...

✔ في علم النفس مقولة بتقول ان الاقتناع بيتم بالتدريج واحيانا بلا وعي منك، انت حتي ممكن تقتنع بالكلام اللي بيدور بينك وبين نفسك واللي بتكرره كل يوم...

⬅️ في ناس هدفها تشتتك عن هدفك...

⬅️ في ناس مهمتها تضعف معتقداتك فتقوي تخاريف هي عاوزة تنشرها...

⬅️ في حد عاوز يخلليك مهزوز😥 ومذبذب😟 عشان يكون هو مرجعيتك🤓 أو بوصلتك...

✔ الثبات ع العقيدة والمبدأ والهدف والتربية والعادات والتقاليد أمر صعب جدا وأشبه بالجهاد...

❌ بلاش تبيع دماغك لأي حد حتي لو كان أكثر منك خبرة أو سن أو تجارب...

✔ انت من حقك تستقبل➡️ وترسل⬅️ عشان انت مش كومبارس صامت🤐...

✔ أسمع المعلومة وابحث فيها بلاش تكتفي برأي غيرك...

✔ اقبل النصيحة وطبقها لو هي تفيدك، بس وانت فاهم إن اللي نفع غيرك مش شرط ينفعك...

✔ اسمع الكلام المفيد مش أي هري وفلتر اللي بتستقبله...

وخللي بالك من عقلك ...دي نجمة✡ سيدنا داوود احنا هنكفر؟

#amira_ibrahim_neues_leben