المفروض نقول سمعنا و اطعنا بس حقيقتنا هي سمعنا وعصينا . . الغلط لذيذ مش كده وسهل كمان حلو بس ف وقته .. الهروب من المشاكل بالغلط بيريح مؤقتا بس مش بينهي الصراع ممكن يزوده .. النفس الاماره دايما بتحارب الضمير واحيانا بتتغلب عليه وتموته .. تخيل تبقي بلا ضمير ؟! هتبقي مرتاح مش كده اصلك مش هتتأثر ب اي غلط ومافيش حته جواك توجعك لما تأذي بس مع مرور الوقت هتفقد انسانيتك .. السلام النفسي وراحه البال مجررد حلم بينتهي لما تصحي من النوم .. بياض قلبك بيسود كل يوم عن اللي قبله .. دايما حاسس ب احباط وفشل ومش مرتاح .. ماهو بالعقل هرتاح ازاي وانا ماشي غلط .. الصح سهل وقدامي طب ليه رافضه ليه ببعد عنه ليه مصمم علي الشر .. محبوس جوه نفسي مش حر ذنوبي محاوطاني وعيني عليها غشاوه رافضه تمشي الطريق الصح .. مش كفايه كده مش يلا نرجع لفطرتنا يلا نشيل سواد قلوبنا ونزيح الغشاوه ونشوف بعين الحق .. صعب صعب ليه لان الغلط بقي جزء منك اتوحد معاك .. كفايه صراع كفايه دوشه يلا انهوا الخلاف ب انتصار اي طرف مش هتفرق المهم كفايه زحمه ...
حاول ترتب الكراكيب اللي جوه دماغك ✋