لازم نتعلم إن أي اي علاقة ممكن بخيرها وشرها تنتهي ويمكن الحد اللي بتنقطع علاقتك معاه ده كان من فترة اكسير الحياة بالنسبة لك وماكنتش يوم تتخيل تعيش من غيره.

بس صدقني هييجي يوم وتلاقي نفسك بتشوفه بمشاعر محايدة جدا لا حب😍 ولا كره😡 ولا حتي ندم🙁

طبيعة اللي بينكم هيكون محايد لا قلبك معاه ولا عليه ولا جواك سواد له.

طيب ازاي ده يحصل 🤔؟

ده اللي المفروض يحصل ولازم يحصل عشان تفضل انسان سوي ومافيش جواك اي مناطق سودا: كراهية حقد انتقام غيرة، دي كلها حمولة زايدةعلي إنسانيتك.

⬅️ مرحلة الوجع😞 اللي بتعيشها بعد انتهاء العلاقة دي بتكون بمثابة المطهر اللي حطيناه ع الجرح مؤلمة بس ضرورية جدا ولا غني عنها ولازم تكون أدها وتتحمل وانت فاهم ومقتنع انها اول سلمة ع الطريق الصح ✔.

صحيح متعبة وفيها اشتياق ورغبة في الرجوع ويمكن الأمل هنا شبه معدوم انك من غيره تكمل لكن:

Just because u miss someone

does'nt mean u need them back in ur life.

Missing is just a Part of moving on!

⬅️ بعد كده مرحلة التردد🙃 وفيها بتسأل نفسك ليه مش كملت 🤔؟ مش صبرت🤔؟ مش اتنازلت🤔؟ وتبدأ تقارن نفسك دلوقتي 😑وقبل كده😊 (يعني وانت لسه جوا العلاقة ) وتندم علي سعادتك الي مش لاقيها وضحتك اللي ضاعت وقلبك اللي انكسر وتنسي مين اصلا اللي كسره...

⬅️⬅️ مرحلة التردد 🙃اخطر من مرحلة الوجع🙁 عشان انت لسه في نص الطريق هنا بقي لازم تبص ادامك🔜 مش وارك🔙…

⬅️ بلاش تلوم نفسك وتعاقبها وتجلدها وبلاش تفكر في اللي راح ده ماضي ركز ع اللي المستقبل.

⬅️ ركز علي خطواتك عشان مش تقع وتفضل محلك سر، سامح نفسك:

Forget ur Past, forgive urself and move on!

حقيقي في ناس قوية وتقدر تعدي من النفق الضلمة ده لوحدها وهي مكتفية بنفسها لكن في ناس ده صعب عليها هنا بقي في #وجهة_نظري انت كأنك خلعت ضرس وحاسس بمكانه فاضي ممكن اوي تشغل المكان ده بشيء تاني ... اشغل نفسك بنفسك هي اولي صدقني او اشغل نفسك باللي يستاهلها او اللي بيزرع كل جميل حواليك وجواك.

⬅️ بعد كده هتوصل لمرحلة اللامبالاة😊 اللي أنا بقابل بها ناس بعينهم وانا برسم عليهم علامة اكس كبيييييرة، وبقول لنفسي:

It's hurt but it's ok...I’m used 2 it!

هي دي النقطة اللي لما بتوصل عندها بتكون تقريبا خفيت ونفضت تراب الماضي عن ضهرك، هتدركها وهتتنفس الصعداء وساعتها هترجع تقف على رجليك تاني...

دي اخر مرحلة بيوصل لها القطار🚉 فبتنزل منه بعد مشوار طويل عديت فيه علي محطات كتير: الإعجاب... التعلق... الصبر... الحب... الإدمان... الصبر... التماس الاعذار.. الكسرة... الصبر... الوجع... الندم ...التردد... وبعدين اللامبالاة ...

هنا بقي اقدر اقول لك حمد الله ع السلامة 🤝

هنا تستحق كمان احترامي لانك لما وصلت هنا ونجيت بنفسك انت كنت بطل عدي حواجز مش اي حد يقدر يجتازها ...

🔴 انت اللي قررت انه كفاية ضغط علي اعصابي وكفاية اعيش مقسوم نصين بين قلبي وعقلي... صح وغلط.. حب وتعود.. إخلاص وخيانة،

🔴انت حاولت لفترة طويلة تلملم اللي متبقي جواك من اصول ومبادئ وأخلاق وتنجي بها وبنفسك...

🔴 انت ضحيت عشان تلحق صحتك النفسية من البعثرة والصراع اللي جواك مش يقضي عليك ويشوهك...

وصولك المحطة الاخيرة معناه انتصار علي مرض عضال انت كنت أقوي منه...

وصولك يعني مات اللي كان مضايقك وبيضغط عليك وبيشتت تركيزك...

وصولك معناه انك كنت صح ✔

انت نجيت ومن جديد ابتديت

انت وصلت ومش لوحدك في جندي مجهول كان في ضهرك طول المعركة.

#amira_ibrahim_neues_leben