مشهد ١

في قريتي التي ولدت بها ،في بيتنا القديم بعد ان اجريت عليه بعض التجديدات.

اجلس انا في محل البقالة (فتي ضئيل الجسم ،كبير الرأس بعض الشئ ،ارتدي نظارة جديدة تأكل وجهي ) محل البقالة عبارة عن غرفة صغيرة في واجهة بيتنا مفتوحة علي الشارع ،رفوف مهترئة متهالكة قليلا ،عليها بعض (البضاعة) التي نقوم ببيعها .

اجلس انا علي كرسي صغير ،وامامي منضدة اضع عليها بعض الكتب ،المنضدة بها ايضا الخزانة التي نضع بداخلها المال .

الوقت يقترب من الليل ،قبل المغرب مباشرة ،في هذه الايام كنت قد انهيت دراستي الجامعيه ،واليوم هو اليوم الاول لي في اجازة طويلة سآخذها بعد ان انهيت الدراسة ،الي حين أن اتقدم الي الخدمة العسكرية.

مشهد ٢ 

ابي الحاج حسن بينما انا جالس في (محل البقالة) ،يجلس هو ويمسك بيده مقصا ويقوم بتقطيع الدخان ،حيث كان يذهب الي المدينة ليحضره ومن ثم يجهزه ويبيعه ،تجلس بجانبه امي (امرأة عجوز ،تمد يدها وتحاول أن تساعده وهو يقضم ويضم حاجبيه غضبا)

مشهد ٣ 

الحاج حسن :ياد ياسيد 

انا مرتبكا وبصوت عال :ايوه يابويا 

في لحظه تمثلت امام ابي وانا مرتبك .

الحاج حسن :روح ياد شوف المحل ناقص ايه وهاته وماتقعدش ليا كده.(بلهجة صعيدية)

انا منكمشا:حاضر.

مشهد ٣ 

انا ادخل البيت وبيدي اكياس بها بضاعة اشتريتها للمحل ،ادخل ويبدو علي وجهي الارهاق.

الحاج حسن:جبت ياد البضاعه ،تعال خد وريني جبت ايه ؟

اتقدم خطوات خائفا خشية أن اكون قد نسيت شئ واضع البضاعة امام ابي.

الحاج حسن :يابن الكلب انت نسيت تجيب برسيل ،يابن الواطي (بصوت عال)

انا متأهبا ومرتبكا وخائفا اكاد ابكي ولا ادري كيف أتصرف .

يقوم ابي ويمسك بتلابيبي :يابن الكلب انت مافالحش في حاجه خالص ،يلا غور هات باقي البضاعه.

انا لم اتكلم تحركت فقط للخارج ،كنت قد نسيت ان احضر ثمن البضاعه ،فعدت مسرعا احضرها بينما والدي الحاج حسن يرمقني بنظرة غاضبه ،احضرت المال وانصرفت.

مشهد ٤ 

انا مرتديا لباسا مهترئا وامشي في الطريق متجها نحو موقف السيارات ،اخرج هاتفي واتصل بالشيخ مصطفي صديقي.

انا :ايوه يامولانا

الحمد لله تمام وانت عامل ايه ،اقولك ايه انا ماشي ،مسافر رايح القاهره 

اصل ابويا ياعم مش سايبني في حالي ،عمال يضغط علي وكل شويه يشتمني ويضربني وانا تعبت.

ايوه

لا خلاص انا هاسافر وبالله عليك ماتقولش ليا ماتسافرش انت شوفت قدام عينيك.

يامولانا اتخرجت من الكلية وبقيت كبير اهو ،ولسه بضرب بالجزمه علي اتفخ الاسباب

يلا سلام عايز حاجه

سلام

تقف امامي سيارة اجرة

السائق :رايح فين؟

انا :رايح ابوتيج

السائق:اركب .

مشهد ٥

انا في القطار المزدحم جدا لدرجة اني اقف بصعوبة ويقف بجانبي شاب تبدو علي ملامحه السذاجه ،يتحدث بعفوية وتلقائية كبيره جعلتني ارتاح للحديث معه ،فاخذنا نتحدث

هو :وانت علي كده يا استاذ سيد تعرف حد في القاهره.

انا :لا والله ماعرفش حد

هو :طب هتعمل ايه وهتروح فين؟!

انا:هي ونصيبها بقي ،هو قرار انا اخدته وزي ماتيجي تيجي .

يتوقف القطار عند محطة (رمسيس)

انزل انا من القطار ،