" امتي فصلة وامتي نقطة؟ 🤔"

" Stop making excuses "

من #أسئلة_الخاص

في علامات الترقيم اتعلمنا الفرق بين وضع الفصلة ، والنقطة. وتأثيره علي الجملة. طبعا خطأ ❌ فادح إنك تحط فصلة، مكان النقطة. والعكس.

نفس القاعدة مهمة لحياتنا.... دي يمكن من #وجهة_نظري المتواضعة أكتر قاعدة ممكن تحافظ علي توازن حياتك وهدوءك النفسي.

تعرف يعني إيه قلب❤؟ 🤔

يعني مجرد عضو من أعضاء جسمك يمكن الأهم بس الأضعف

رغم إنه متحكم في حياتك إلا إنه مايقدرش حتي ينقذها وقت الخطر 🆘️.

القلب❤ ماهو إلا شوية دم وشرايين مش هتكلم في تكوينه عشان مش تخصصي لكن هشاور علي حاجة يمكن كتير مننا مش قادرين يستوعبوها وبسببها بيأذوا نفسهم 😔 وبقسوة…

🚫 بلاش تحمل ❤ قلبك فوق طاقته!

🚫 بلاش تيجي عليه وتوجعه😔!

🚫 بلاش تموته بإيدك رغم إنه بينبض عشان تقدر أنت تعيش!

⬅️ لما تاخد قرار في حياتك إنك تبعد عن شخص وتبدأ تعود قلبك ❤ علي بعده وتصبره علي فراقه وتخفف عنه غيابه اوعي ترجع في قرارك... اللي أكيد مش كان وليد لحظة لكن نتيجة فعل أو أفعال وصلوا بك لطريق مسدود ⛔

⬅️⬅️ طالما قدرت تمر بسلام😌 من أصعب أزمة ممكن قلبك❤ يتعرض لها وبدأت تألف البعد وتتعود ع الغياب يبقي ماينفعش ترجع توارب الباب🚪 أو تفتح طريق للقرب مرة تانية أو تمنح فرصة جديدة.

⬅️⬅️⬅️ انت قررت👍 وقلبك استسلم😐 وبدأ ياخد علاج يقويه علي الأزمة وساعدك تتخطوها بكل الوسائل، هنا بقي 🚫 ماينفعش ترجع... 🚫 ماينفعش تحن... 🚫 ماينفعش تضعف... 🚫 ماينفعش غير إنك تكمل.

✅ صحيح إن القرار كان مهم بس الأهم انك تحافظ عليه والقلب❤ ذكي بس ذي ما قلت ده عضو ضعيف وممكن تحصل له انتكاسة لو عرضته لصدمة جديدة.

والسؤال كان: ليه؟ 🤔

لانه هيتحطم حرفيا وهيعجز منك وكل الأدوية اللي أخدها في أول مرة مش هتساعده في كل مرة... الأسوأ من كده إنه هيتصدم من جديد... هيتوجع بوجع جديد… ألم أقوي... وصدمة أصعب... وأنت السبب.

⬅️ هتحاول تساعد قلبك❤ عشان تقدر تعيش وهتتنازل وهترضي وهتضعف بس قلبك مش هيخف...

⬅️ هتقسي وتنسي وترجع تبعد بس قلبك مش هيسمع كلامك...

⬅️ هتستسلم لقلبك❤ وتسيبه يتحكم فيك ذي الكورة⚽️ ويحركك حسب رغباته واشتياقه يمين وشمال وبرضو مش هيكون سعيد.

عارف ليه؟ 🤔

لأن وببساطة قلوبنا مش بزراير on off...

مش لاب توب هياخد منك أمر وينفذه...

ولا لعبة ممكن تتحكم فيها علي هواك...

✅ قلوبنا مش حمل أوجاع علاقات مؤذية لا بتكمل ولا بتبعد...

✅ قلوبنا مش حمل شد وجذب مالوش نهاية

✅ قلوبنا مش حمل حياة شبه فصول السنة الأربعة

✅✅ قلوبنا كلمة تحتويها وفعل يبعدها، لو حصل الاحتواء حط فصلات،،، وكمل لكن لو أرهقتك😣 الأفعال حط نقطة. واوعي تفكر مرتين.

" Stop making excuses "

خاف علي قلبك أكتر ما أنت بتخاف تاخد قرار وهتقدر لأنك: " لو صدقت العزم... وجدت السبيل."

خد قرار إنك تعيش سعيد وحافظ عليه:

" Happiness is a descision. U r as happy as u descide 2 b "

وقتها هتكون أنت وقلبك❤ جيش واحد أقوي من أي لحظة ضعف أو رغبة في الرجوع أو تعاطف مع ندم كداب.

" نقطة ولا فصلة🤔؟ "

"Stop making excuses "

#amira_ibrahim_neues_leben