هتصووم ؟؟؟؟ ولا زى كل سنه ؟؟؟؟؟
لو سالتك : انت هتصوم ؟؟ ولا زى كل سنه؟؟!!
هتبتسم وتقول : قديمه .. هصوم زى كل سنه ...
هقولك لا يا حبيبة قلبي .. لا ي اخى .. احنا مش عايزين نصوم زى كل سنه ...!!
هتقولى : ازاى يعنى الكلام ده ؟؟؟؟
هقولك : بص بقي ف ناس كتير مش عارفه معنى الصيام ..!! يمكن ناس كتير عايشه بقالها 30،40،50 سنه ،ناس بقالها سنيييين بتصوم بس للاسف مابتعرفش تصوم؟؟؟
بيصوموا صيام ناقص الا من رحم ربي
هتقولى : هو ف صيام ناقص وصيام كامل ؟؟؟
هقولك: هو انت هتصوم ازااااى؟؟؟
هتقول: هصوم عن الاكل والشرب لحد المغرب ،....
هقولك : بس كده ؟؟؟
هتقول ؛ ايه ؟؟؟ هو فيه فتوى جديده طلعت غير كده؟؟؟
هقولك : لا.. مفيش فتوى ولا حاجه ؛ بس انت كده صيامك ناقص... يعنى ايه ناقص بقي؟؟؟؟
هقولك ي اخى .. هقولك ي اختى ، وركزوا ف الكلام ؛ انت ممكن تكون بتصوم عن الاكل والشرب ولكن ثواب الصيام بتاعك يبقي ناقص او ممكن حتى متاخدش ثواب بعد كل ده !!!!!!
عارف ليه ؟؟؟؟؟
لانك للاسف مش فاهم معنى الصيام الحقيقي؟؟؟؟؟؟؟
الصيام = صيام بجميع الاعضاء والجوارح
يعنى هتصوم بمعدتم وهتصوم بأذنك وكذلك هتصوم بعينك وبلسانك وبقلبك ... لازم تصوم جميع جوارحك .... انا عايزك تفهم المعنى الحقيقي للصيام علشان تحقق الهدف والغايه منه ؛ الا وهى "التقوى "
قال الله تعالى :" يأيها الذين ءامنوا كتب عليكم الصيام كما كتب على الذين من قبلكم لعلكم تتقون"
الصيام ي شباب مش مجرد الامتناع عن الطعام والشراب من الفجر للمغرب ... الصيام اعظم من كده بكتيييير ؟؟؟؟!!!!!
قال رسول الله صلي الله عليه وسلم :" ليس الصيام من الاكل والشرب ؛ انما الصيام من اللغو والرفث .
العبد الفقير إلي ربه : أحمد بن أسامه
-
أبو حمزهالعبد الفقر إلي ربه أحمد بن أسامة