صباحك خير
هكذا حال العاشق المتيه الذي لا يفارقه الأرق لدرجة أنه تسامر مع القمر عن مشكلته و حبه الذي لا ينتهى إلى أن يأتى الصباح مبلغاً تحياته إلى محبوبته
نشر في 29 ماي 2018 وآخر تعديل بتاريخ 30 شتنبر 2022 .
. سهرني القمر عنك في حكاوي
و ووصفلي الليل ليلك و بلاوي
الدنيا عليكِ يا قمر ، و اديني في سمر
مع كون الخالق لوصال قلبك
و الليل سهران مش ناوي ينام
من شوقه إليكِ ، طب كده يرضيكي !؟
و القلب ينام و الروح صاحية ، الروح بتدور
على الرحلة و القلب بيرحل للأحلام
يعني هيرضيكي ؟ إني افضل اسرب
غاز الشوق و القلب يكون ف الغيبوبة
مش راضي يفوق
و كأن الأيام وياكِ متفقة
مش هتنسيني
لو كان يا عنيا هيرضيكي يبقا انا يرضيني
الليل قرب يرحل
و يسيب حواديت
ف الروح مهياش بتنام ، و الليل بيطير
بعد ما بيسلم علي السهران
و القلب يقوم من كوم أحلام
و بقالي ع الحال ده كتير
مريض محتاج ننقله حنان
و ادي الأيام بتاخدني تطير
مكان لمكان ، مش لاقي مكان
الاقاكي هناك فكفاية تدوير
و كفاية احلام .
الصبح ينور ليل تعبان
و الشمس بترشد سير الطير
و النيل بيصبح على الدنيا
اقفل يا زمان ، بس قبل ما انام
كالعادة هقولك بعد الليل
.. كالعادة
صباحك خير
-
Mohaamed محمديجب أن تؤدي دورك الهزلي بكل جدية !