بصراحه مو عارفه شو بدي احكي
كتير صعبه الكتابه علي بهي الفتره
بدي افرغ محتوى قلبي لانه عقلي ماخد الدور كله
اوقات بحكي الحق علي
واوقات بحكي ع الصدف .. واوقات عليك
قلبي بوجعني
ما بعرف ليش
حاسه حالي عم بأذيك كتير
انا بكره شعور انو حس حالي ظالمه
انا حاولت قد ما اقدر انو ما كذب عليك ولا اوعدك بوعود انا ما بقدر اعملها
خايفه من يوم
من الاكيد انو رح ييجي
ظروف او موت
ما بعرف
بس رح نفترق
بالنهايه هي دنيا
كل اشي فيها فاني
يا ريت بيقدر الانسان يكتب حياته ويحدد مصيره
بس بالنهايه كل اشي بصير خير النا وعن تجربه عم بحكي هاد الحكي
كتير تمنينا .. وكتير حكينا يا ريت
بس هي اقدار ومكتوب ..
عم بكتب بوجعي .. بحاول اخلي الحكي رسمي وجدي بس ورا كل حرف مليون دمعه ومليون كسر
املي بالله كبير .. انا متاكده انو معنا
كتييييير بحكي مع الله وكتير بدعي وبطلب وبناجي
ياااا الله شو انك اروع شخص مرق بحياتي
اكتر شخص كنت قدامه انا
اكتر شخص حكيتله تفاصيل التفاصيل
وما خبيت ولا اي شعور
انا عارفه انو يمكن هاد الحكي ما اله معنى بالنسبه الك بهي اللحظه .. لانه كمية الفقد والاستسلام وشعورك بانو مو طالع بايدك اشي اصعب من اي اشي
شو حلمنا نكوّن حياه سوا وخططنا ورتبنا وتخيلنا وكان الاصرار موجود على كيف احنا رح نسعد بعض وكيف رح نتسابق ع هاد الاشي
ياااا الله شو الوجع يلي بقلبي ما بدي احكي عنه لانه اكيد عم بتعيشه ويمكن وجعك اضعاف
كنا متفقين ما نجيب ولاد .. بس كتير كنت بتخيل انو لو صار عنا ولد بيوم من الايام ويكون منك .. من شخصيتك من روحك من حنيتك من كل اشي حلو فيك
كنت انبسط بس حس بهاد الشعور
بس برجع بحكي انو انت مو حابب هاد الاشي .. فخلص
كل ما بكتب اكتر عم بزيد الوجع اكتر ..
بهي الليله بالذات .. انا دعيت كتير ومن قلب محروق دعيت ودعيت وسميت كتير ادعيه باسمك لانه حاسه بانو انا جزء منك والله وحاسه ازا دعيتلك عم بدعي لحالي
حتى لو افترقنا وحتى لو بطل في شي يجمعنا .. رح ضل ادعي
الانسان الوحيد يلي ترك فيي اشي ايجابي وعلمني كتييييير هو انت
حتى لو ما عاد الك بقلبي اشي .. رح تضل معي
في من روحك وتفكيرك وحتى قلبك معي
انت ما رح تفارقني ابدا
احكيلك اشي .. كنت ضل احلم ومتمنيه شغله ( انو نتزوج وبس نروح ع بيتنا .. انت تصلي فيه ركتين ىتحط ايدك ع راسي وتدعي دعاء اول ليله النا )
ياااا الله كمية التمني بانك تكون حلالي وافرح وانبسط بكل شي بعمله معك ، بدل الشعور بالذنب
يااا الله
من كل قلبي وعقلي .. لو ظلمتك سامحني لو سمحت .. بتضل انت الكبير
طبعا ضحكتك يلي كانت غريبه ويلي كنت انا بعشقها دير بالك تروح حتى لو انا رحت
لانها حلوه بتستاهل انها تطلع ومو حكي افلام انا عنجد بحكيلك
وما بدي عيد حكيي ماشي ..؟؟
بصراحه الحكي ما خلص
بس وجعي فااااق حدود الكتابه والقلب بيتأوه وتعبان
الله يتولانا ❤️
التعليقات
لطرح إستفساراتكم و إقتراحاتكم و متابعة الجديد ... ! تابعنا على الفيسبوك
مقالات شيقة ننصح بقراءتها !
مقالات مرتبطة بنفس القسم
ما بين التثقيف والتصفيق فى الجمهورية الجديدة!
دائماً ما كانت «الأنظمة» تستخدم «المثقفين» للترويج لأعمالها ومشروعاتها(هذا إن افترضنا أن هذا النظام يمتلك مشروع بالفعل)، ولكن فى الماضي كانت هناك أنظمة «عاقلة» ومثقفين «موهبين» قادرين على الحفاظ على الحد الأدنى من «الاحترام» والمعقولية فى «الطرح» و فى مستوى
