صراحه .. - مقال كلاود
 إدعم المنصة
makalcloud
تسجيل الدخول

صراحه ..

ليه لازم أصارحك بمشاعرى ؟

  نشر في 05 يوليوز 2017  وآخر تعديل بتاريخ 08 ديسمبر 2022 .

أنا كنت ضد فكرت مواقع المصارحه المجهوله دى من الأول و كنت شايفه انه غلط انه الناس تاخد ثقتها في نفسها من رسائل مجهوله

وشايفه انه غلط انه ناس تهتز ثقتها في نفسها من رسائل مجهوله برده

اللى خلانى افتحه هو دفاعى عن فكره تشجيع الناس للمصارحه

كنت فاكره انها هتكون خطوه لشخص انه يتجرأ و يصارح نفسه و يصارحنى بمشاعر ايجابيه كانت أو سلبيه

كنت فاكره انها هتكون خطوه عشان الناس بعد كده تصارح بعض بجد

أنا ده والله كان السبب الوحيد اللي خلانى افتحه

ديماً بقول لأى حد اعرفه اعترف ديماً باللي حاسس بيه و كنت عايزه اشجع ناس أكتر من صحابي والناس اللي أعرفهم

بس بجد ادايقت لما عرفت اد ايه الناس مبتعرفش تعمل ده

ابسط حاجه ممكن تصارح بيها حد هو انك معجب بيه و اعجابك بيه ليس بالضروره حب

انا بدخل أقول لناس عادي انى معجبه بيهم و عدد المرات اللي قولت فيها لولاد و بنات انى معجبه بيهم في بوادر العلاقه لا تحصى

لانه السبب الوحيد اللي هيخليك عندك رغبه في اي علاقه هو انك تكون معجب بالشخص

اي علاقه دي تشمل اي علاقه فعلاً الاعجاب مش حاجه مربوطه بالعلاقات العاطفيه بس انت لازم تكون معجب بكل حد فحياتك

لما لقيت انه ابسط انواع المصارحه دي مش عند الناس ادايقت و حسيت انى كده مش بخدم فكرتي بالعكس

لو انتو مش قادرين تصارحوا بعض بحاجات بسيطه زي دي ازاي هتقدروا تكونوا صرحاء في حاجات أكبر

ازاي هتقدر او هتقدرى تعترف للشخص اللي بتحبه بحبك

ازاي هتقدر تصارح نفسك و اللى حواليك بأخطائك

ازاي هتقدر تصارح حد اذيته بندمك تجاه افعالك

حتى ازاي هتقدر تصارح الناس اللي مش بتحبهم بس مضطر تتعامل معاهم انك بتتعامل معاهم بمبدأ الاضطرار بس

وحاجات تانيه أكبر وأهم

يمكن الشخص اللي خايف تعترفله بحبك ده يكون هو حب حياتك

يمكن الشخص اللي انت معجب بيه و خايف تقرب منه ده يكون ليه تأثير في حياتك أقوى بكتير مما تتخيل

يمكن الشخص اللي انت مش حابه و خايف تصارحوا ده يكون مانع عنك حاجات تانيه احلى تعيشها

يمكن حاجات كتير مش هتعرفها غير بالتجربه

احنا بنعيش مره واحده بس ..

مهم جداً انك تبقي عارف نفسك انك تبقي فاهم حقيقتك بجد نفسك دي حاجه اعمق من اسمك و هويتك و دراستك

وعشان تفهم نفسك في حاجات ضروريه لازم تتعمل اهمها المصارحه

لما تبدأ تفهم نفسك و تعرف هويتك الحقيقه هتبدأ تشوف حاجات كتير من منظور مختلف و هتبدأ تراجع نفسك في حاجات كتير و هتبدأ تكون سعيد

فابدأوا دوروا على نفسكوا

ابدأول صارحوا اللي حواليكم بمشاعركم تجاههم

ابدأ اعمل اي حاجه نفسك تعملها و منعك عنها الخوف

دائماً و ابداً

اوعى الخوف يكون سبب يمنعك عن حاجه نفسك تعملها

الناس بتندم ديماً على الحاجه اللي معملتهاش مش اللي عملتها و طلعت غلط

*انا هدافع عن المقوله دي بدمى* 😂

متسيبش نفسك تتأكد من صحتها بعد فوات الأوان

عشان كده انا هقفل الصراحه بتاعى و اللى عنده اى حاجه يقولهالى يبعتهالي في مسج عاديه والأكيد انه عمرى ما هظهر اى رد فعل وحش تجاه اى حاجه هتتبعتلي من مبدأ المصارحه

واتمنى كلكم تعملوا كده تسيبوا فرصه حقيقه للناس تتعمال معاكم بصراحه حتى لو كان صراحتهم مش على هواك

بس اسمح للناس بده عشان تقدر تسمح لنفسك




   نشر في 05 يوليوز 2017  وآخر تعديل بتاريخ 08 ديسمبر 2022 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا