#فريديريك_نيتشه
- في بدأ الكلمة دعونا نتفق أن هاد البورتري ليس بكامل و لا مثالي ، حيت إنسان بسيط فراس الدرب وماتقدرش تلخص حياتو ف 4 د الفقرات فما بالك بفيلسوف عظيم إنما هو جزء بسيط من حياة هاد الإنسان ..
🔹 فريديريك نيتشه نبي الملحدين و قاهر القساوسة و رجال الدين .. تزاد في 1844 بألمانيا فالوقت اللي كانو فيها عباقرة التاريخ مجموعين
( تشارلز داروين ـ سيغموند فرويد ـ شوبنهاور .. ) ، نيتشه ترك آثر بالغ على الفلسفة الغربية و الفكر الحديث قبل أن يُصاب بالجنون.
🔹بدا حياتو كأي طفل عادي متدين ، بحكم أن الأب ديالو كان قسيس بروتستانتي لدرجة أنهم كانوا كايسميوه '' القسيس الصغير '' ، و لكن بدا يفقد الإيمان ديالو فوقت مبكر ملي بدا يقرا لشوبنهاور و كتب أول قصيدة ليه و هو فمرحلة الدراسة الثانوية سماها '' الله مجهول ''.. من بعد لتاحق بالجامعة لدراسة علم اللاهوت و فقه اللغة الكلاسيكي .. و فنفس الوقت كان كايقرا تاريخ الأخلاق عند البشر ، الشيء اللي خلاه ينقالب على الدين 100% لأن الدين المسيحي بالنسبة ليه كايشجعنا على ''أخلاق العبيد'' والرقة و النعومة و التسامح ، بينما هو كايشوف أن الأخلاق هي القوة و العنف و الإنتقام .. و الفضيلة بالنسبة ليه هي تحرق المعاقين و المرضى لأنهم عالة على الدولة و هاد الشي اللي طبقو تلميذه [هتلر] من بعد .. و كان عندو كره عجيب للمتدينين لدرجة أنه بعد على أي صديق متدين و قال : '' أشعر أن علي أن أغسل يدي كلما سلمت على إنسان متدين ''
🔹مؤلفات نيتشه كانت على 3 د المراحل :
◾أولا (مرحلة الإيمان بالمتافيزيقيا) و اللي ألف فيها كتاب '' ميلاد التراجيديا ''
◾ثانيا (مرحلة انكار الميتافيزيقيا) و اللي ألف فيها '' انساني.. انساني جدا ''
◾ثالثا (مرحلة النضج) ألف فيها كتاب '' هكذا تكلم زرادشت '' اللي ولا أحد أشهر الكتب في القرون الأخيرة إلى جانب مؤلفات أخرى على الموسيقى و الفن ، لأن نيتشه كان محب للموسيقى و قال : '' إن الحياة بدون موسيقى ستكون غلطة ''
🔹 أسباب جنونه فيما بعد عندها بزاف التأويلات .. كاين اللي قال أنها بسبب الشكل ديالو اللي كان كايخلع الناس خاصة بالنظرات ديالو ، الشيء اللي خلا كولشي يبعد منو .. و كاين اللي قال بسبب ''لوسالوميه'' البنت اللي كان كايبغيها لدرجة الهيام ، و لكن كان حب من طرف واحد الشي اللي خلاه يتسطا .. حتى مات سنة 1900 و بسبابها تولد عندو كره لجميع النساء حتى نطق لسانه بالقول : '' إن المرأة هي خطيئة الرب الثانية '' ،.. و قبل مايموت قال لأقرب الناس ليه و اللي هي أخته قال ليها : '' إنما إذا ما مت يا أختاه لا تجعلي أحد القساوسة يتلو علي بعض الترهات ، في لحظة لا أستطيع فيها الدفاع عن نفسي إنني أريد أن أهبط إلى قبري وثنيا شريفا '' ،انتهى.
#MN