" ذكية والقمر 🌛في عينيها شهيد "

في أحد البرامج ع اليوتيوب شوفت حلقة كانت في البداية شيقة لكن مع غياب حرفية المذيع اللي كان طول الوقت بيبث آرائه الشخصية اتحولت لحلقة بايخة 😐

في مداخلة مع الشاب صاحب مشكلة الحلقة، حكي باختصار قصته وإنه ارتبط 💑 ببنت لفترة لم تتجاوز الأشهر خلالها تم ابتذاذه ماديا منها ومن أسرتها بشكل مبالغ فيه ثم اعطوه استمارة ٦.

المذيع بيعلق المشكلة علي شماعة سوء اختيار الشاب لبنت من أسيوط يعني صعيد مصر 🇪🇬 وإنها مش علي قدر كبير من الجمال ولا حاجة وأعلن استغرابه الشديد 😯 واستنكاره 🤨 فكرة إن الشاب السكندري الواو👍 يرتبط بفتاة صعيدية👎 يعني لو اسكندرانية اللي عملت كده اهو عندها اللي يشفع لها لكن الصعيدية لا طبعا😏😏😏😏

المذيع الجهبز وجه للشاب سؤال 🤔 اذاي يقرر الارتباط ببنت مش علي مستوي جمال وذكاء وأصل “ بنات اسكندرية ” أو ع الأقل بنات بحري؟؟؟

مندهش😲 كمان إيه اللي ممكن يجذبه في بنت صعيدية هيكون فيها إيه مش في بنات اسكندرية اللي احتكروا جينات الأصل والذكاء وخفة الدم الخ الخ،

وكان لوقع السؤال الساذج المستفز أثر كبير عليا كشخص لا يحترم النوع ده من التفكير ولا يحترم الفصيل أصلا... هو مين اللي اختزل كل السمات المذكورة أعلاه في الاسكندرانية؟ ليه التمييز الظالم ده؟؟ مين يقول ان الاسكندرانية عن غيرهم يتميزوا بالأصل والذكاء ؟؟؟ والأهم يعني إيه امرأة ذكية؟؟؟؟

“ امرأة تزينت بالعقل.....

فعميت عن غيرها الأبصار “

في قصة جميلة قريتها من كام يوم تحكي باختصار عن جارية 🧝‍♀️ ذاع صيتها في السوق بسبب ارتفاع سعرها مقارنة بغيرها من الجواري لدرجة إنها كانت تساوي ١٠٠ ضعف ثمن الجارية الجميلة. أحد السلاطين 🤴 سمع بها فأرسل أحد جنوده لاستقدامها، ببساطة الجارية🧝‍♀️ أثارت فضوله🤔 وكان يحب يعرف إيه اللي ميزها عن غيرها لدرجة ان سعرها يعادل سعر ١٠٠ جارية 🤔🤔🤔!!!

وصول الجارية 🧝‍♀️ لقصر السلطان 🏰 كان ملفت 😲 جدا للأنظار مش بس لأنها جميلة الملامح لكن بسبب شموخها الغير معهود حتي إن السلطان 🤴 سألها: " لماذا سعرك غالي "، وأجابت: " لأني ذكية ".

وكعادة القصص والروايات القديمة واللي بتحمل عبرة كان في لغز ❓ علي الجارية 🧝‍♀️ حله فإن أصابت ✅ أصبحت حرة وإن فشلت ❌ قتلت .

وكان اللغز:

" ما هو أجمل ثوب وأطيب رائحة وأشهي طعام وأنعم فراش وأجمل بلد؟ "

بكل ثقة التفتت الجارية 🧝‍♀️ ونادت: أعدوا لي متاع وفرس 🐎 فإني مغادرة القصر 🏰…. حرة✌؟

إيه يا بنتي الثقة القاتلة دي!!! وكانت إجابتها:

⬅️أجمل ثوب: قميص الفقير...

⬅️أطيب رائحة: رائحة الأم...

⬅️أشهي طعام: ما كان علي جوع...

⬅️أنعم فراش: مانمت عليه وبالك مرتاح...

ثم تحركت من كانت جارية 🧝‍♀️ باتجاه الباب 🚪 فمنعها حرس السلطان 🤴 لأنها لم تجب عن السؤال الأخير ، فقالت: أجمل بلد هو الوطن الحر الذي لا يحكمه جهلة...

الجارية لا كانت من اسكندرية ولا بتجري ع البحر كل يوم الساعة ٦ صباحا ولا بنت بحري ولا بتقول أيووووه وفلافل بس كانت ذكية ذات شخصية قوية شموخها وذكاءها ميزوها عن غيرها وحرروها من العبودية.

في #وجهة_نظري لو اجتمع الجمال والذكاء في امرأة أنت هتكون في مأزق بس أكيد ده مش هتكون في اسكندرية 😉😉😉😅😅

⬅️⬅️ أجادت الجواب فنالت الحرية...

تيجي انت بغباءك تقول له ليه مش اخدت اسكندرانية؟

😏😏😏

“ ذكية والقمر في عينيها شهيد "