ازيك ياعم سعد .
يااااه ، الطالب ؟ وبعد كل السنين دي !
واضح ان السنين كترت عليا ، عجزتك .
طب انا وعجزت عشان ايامي كترت ،الدور والباقي عليك عجزت وانت لسه فالاول .
لسه زي مانت يا سعد متغيرتش .
ايه اللي رجعك يا طالب ؟ المكتبه دي طول عمرها وهي قديمه ومش لايقالك ، وانت سبتها من زمان للسبب دي ، ايه ؟ حنيت لكتيها الفارغه ، ولا لعم سعد العجوز ولا للناس اللي عمرها ماهتمتلك ؟
ومن ساعة مسبتها معملتش حاجه بردو ، اوقات بشك اني مكنش لازم امشي ، كان لازم اكمل هنا ، يمكن كان زماني وصلت لحاجه .
المكتبه مبتديش حاجه لحد ، الا لو كنت محظوظ ، ومظنش لانك لو محظوظ مكنش زمانك رجعت هنا تاني .
يمكن ، لكن ده ميمنعش انها كانت داري ومن ساعه مسبتها وملقتليش دار غيرها .
وجاي بقي متوقع انك هترجع تاني تعمل نفس اللي كنت بتعمله زمان تاني ؟
عارف ان كل شئ اتغير وان اللي كان ينفع زمان مبقاش ينفع دلوقتي ، بس اهو اديني كده كده مبعملش حاجه ، خليني اجرب يمكن يحصل شئ مختلف .
هاه .
طبعا انت مش محتاج اقولك كلام قديم ، الكتب عالرف بتتسحب بهدوء ، الاقلام والدفاتر فاخر القاعه ، الصوت ممنوع ، خلاف كده اعمل اللي يريحك ، استني انت الشئ اللي مستنيه يحصل ، وسبني انا مستني اتفرج عالنهايه.
ايوة يعم سعد بس.....
شششش معادك خلص
(نظر الطالب الي الارفف التي تركها كما هي ولكن الاتربه التي ردمت اغلافتها زادت اضعاف ، شمر اكمامه واخذ نتهيده طويله ، يستعد بها لفعل شئ طويل وغير معروف ، لكنه ادرك في تلك اللحظه انه عاد للوطن ، وايا كانت النتائج ستكون مرضيه .....)