كان الهواء يداعب خصيلات شعرها البنى كشعر فرس يقف شامخا وسط صحراء باطنها بور ظاهرها جمال و عزة و تاريخ..

قامت من على الكرسى المبطن من الظهر لتتركه وحيدا حزينا متألما ، فقد فارقه روح لفتاة تشرق الارض نورا بجمالها..

مدت يدها لتلتصق بكف شاب يبدو انه حبيبها الاول و الابدى ، جلسا و الابتسامة لم تفارق شفاها ، و لكن على شفتيه جمود و قسوة لم تعهدها من قبل..

 ازيك ؟

الحمدلله كويسة يا ادم..

ياسمين..

ايه يا ادم اتكلم !

انا مش هينفع اكمل..

سكتت ياسمين للحظات و كأن الارض توقفت عن الدوران..

مش هتكمل ايه ؟ 

علاقتنا مش هقدر اكمل معاكى..

ليه هى لعبة ؟ و زهقت منها و مش هتكمل..

انت طفل يا ادم ! دى الاطفال انضج منك..

كان الجليد ينهار..

بصى يا ياسمين انا بحبك ، بس الحب وحده مش كفاية فيه حاجات اهم..

تفتكرى الحب ممكن يخلينا نعيش مرتاحين ، الحب مبيديش فلوس ، ممكن يدى سعادة و راحة لكن مش هيوفرلنا حياة مريحة نقدر نعيش فيها..

كانت ياسمين تستقبل كلام ادم باندهاش كبير.. 

ثم قالت :

انا مش عايزة حاجة غير انى ابقى معاك.. بالحب هنقدر نعمل المعجزات..

قال ادم على الفور :

عيبك يا ياسمين انك خيالية و عايشة حياتك زى الافلام العربى القديمة..

يعنى انت عايز ايه ؟ عايز تسيبنى ؟ طيب قوم مش عايزة اشوفك تانى !

هقوم يا ياسمين بس قبل ما اقوم عايزك تفهمى ان الحب مش كافى لاقامة علاقة ناجحة ، انا مرتبى يادوب بيكفينى ، هفتح بيت ازاى ؟ بالحب !

عايزك ترتبطى بواحد يسعدك ، و يقدر يلبيلك طلباتك..

هو ده الحب يا ياسمين.. اللى عايزك تفهميه..

شعرت ياسمين ان كل شىء ينهار و لكن ما الجدوى من اقناع شخص ثابت على رأيه و لا يريد ان يغيره..

قامت و مدت يدها لتلامس كفه الذى بات قاسيا بعد ما كان يفجر باطنه ينابيع من الحنان و الامل..

ظل جالسا و نظر الى مسراها ليتاكد انها خرجت من الكافيه..

ثم قام بامساك هاتفه ، و قام بتوجيه كلامه ل ايسل تلك الفتاة التى يريدها الان..

خلاص يا ايسل انا فركشت مع ياسمين و مستنيكى فى الكافيه..

انا هبدا معاكى قصة حب محصلتش فى العالم ، انا بحبك حب محدش حبه لانسانة..

كانت ياسمين قد خطت اقدامها لسيارتها و بمجرد ان جلست ، امسكت هاتفها و قامت بتوجيه الحديث لاحمد حبيبها الاول الذى غدرت به من قبل لتبدأ معه من جديد..